Zalmedina

De Biquipedia
Ir a la navegación Ir a la búsqueda

O zalmedina ye un tipo de machistrato d'Aragón dentre las epocas musulmana, medieval cristiana y moderna. Desapareixe chunto a la eliminación d'os Fueros d'Aragón en 1707 per Felipe V de Borbón con os Decretos de Nueva Planta.

O zalmedina yera tradicionalment trigau por o rei dica que en 1453 Alifonso V acceptó que se trigase cada anyo lo 8 d'aviento seguindo o procedimiento d'insaculación. [1]

Etimolochía[editar | editar código]

A parola zalmedina procede d'a parola arabe Sahib al-medina que significa chefe d'a ciudat. [2]

Quefers[editar | editar código]

As suyas atribucions s'especifican en as ordinazions de Zaragoza, y son:

  • Visita d'inspección a la garchola, informando-se d'a causa de cada reu y lo suyo estau.
  • Triar un advogau d'oficio pa los pobres. Isto se feba conchuntament a lo capitol y concello.
  • Prener churamento pa iste advogau, y seguir os suyos progresos.
  • Acazar a los malians.
  • Actuar en as queixas contra oficials.
  • Executar as ordens de pago.
  • Nombrar tutors y curadors.

Aduyans d'o zalmedina[editar | editar código]

Existiba tamién un lugartenient d'o zalmedina que sustituyiba a lo zalmedina quan iste yera ausent d'a ciudat. Amás instruyiba las causas civils de cuantía comprendida dentre 50 y 200 sueldos. [3] Amás i heba un asesor d'o zalmedina que yera un letrau asignau pa orientar a lo zalmedina y a lo suyo lugartenient. Per unatra parti los vergueros y sayons yeran os achents executivos d'o zalmedina.

Lista de Zalmedinas de Zaragoza[editar | editar código]

Nombre Anyada
Sancho Laporta [4] 1356
Pero Cerdan 1430
Francisco Palomar 1453
Micer Martín de Pertusa [5] 1470
Francisco Agustín [6] 1534
Vicencio Agustín 1582
Galacián de Gurrea [7] 1590
Chuan Hermenegildo d'Arbas 1626
Diego Gómez de Mendoza 1670
Esteban Ezmmir y Serán 1686
Pedro Luis Cavero 1688
Gerónimo Antón y Sayas 1693
Manuel de Ribas y Cavero 1694
Gerónimo Antón y Sayas 1697
Manuel de Contamina y Ortal 1698
Adrián Zamora Pérez 1703
Antonio Pérez de Nueros 1706
Juan Gerónimo de Blancas 1707
Jorge de San Martín [8] 1710

Referencias[editar | editar código]

  1. (es) María Isabel Falcón Pérez: Ordinaciones reales otorgadas a la ciudad de Zaragoza en el siglo XV: De Fernando I a Fernando II, Institución Fernando el Católico, 2010, ISBN 978-84-9911-077-6 p.8
  2. (es) http://www.enciclopedia-aragonesa.com/voz.asp?voz_id=13153 Zalmedina n'a Gran Enciclopedia Aragonesa
  3. (es) María Isabel Falcón Pérez: Historia de Zaragoza: Zaragoza en la Baja Edad Media (siglos XIV-XV), Ayuntamiento de Zaragoza, 1998, ISBN 84-8069-132-8, p.37
  4. (es) Luis Blanco Domingo: Una visión institucional de las mutaciones del siglo XIV: El Bayle General de Aragón
  5. (es) María Isabel Falcón Pérez: Zaragoza en el siglo XV, Institución Fernando el Católico, 1981
  6. (es) José Ignacio Gómez Zorraquino: La Bailía General de Aragón y sus oficiales (siglos XVI-XVII), Pedralbes n°31, 2011
  7. (es) Ángel Canellas López: Efemérides concejiles zaragozanas en los siglos XVI y XVII, Cuadernos de Zaragoza n°38, Ayuntamiento de Zaragoza
  8. (es) Sergio García Sanchez: Noticias sobre austracistas aragoneses y el secuestro de sus bienes, Revista de Historia Moderna n°25, 2007