Ir al contenido

ZSK

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
ZSK en Bochum
ZSK en Bochum
Nombre {{{Nombre_de_naiximiento}}}
Embotada {{{Alias}}}
Naixió {{{Naiximiento}}}
Murió {{{Muerte}}}
Información musical
Orichen Berlín, Alemanya
Estilo Skate punk, Punk politico
Ocupancia {{{Ocupancia}}}
Instrumentos {{{Instrumento}}}
Tiempo 1997 - 2007
Discograficas {{{Discografica}}}
Relacionau con {{{Artistas_relacionaus}}}
Pachina web www.skatepunks.de/
Miembros
Joshi
Beni
Eike
Flori
Atros miembros
Niki

ZSK estió un grupo de skate punk orichinaria d'a ciudat de Berlín en Alemanya. As suyas cancions, por un regular en alemán tractan sobre tot de temas politicos, mas que mas relacionatos con a xenofobia, a globalización, a violencia policial y as inchusticias socials.

Carrera musical[editar | modificar o codigo]

ZSK s'establió en l'anyo 1997 en a ciudat alemana de Göttingen, prencipiando poco dimpués a fer os suyos primers conciertos en casas de choventut y diversos eventos relacionatos con o skate. A suya primera maqueta amaneixe por ixas envueltas con o títol de Keep Skateboarding Punkrock.

En l'anyo 2000 amaneixe o suyo primer treballo, un CD chunto a lo grupo Blowing Fuse. Poco dimpués les ofreixen tanyer como teloners ta grupos como The Exploited u Terrorgruppe.

Concierto en Bochum, en a imachen se leye Hilfe? en alemán: "Aduya?"

Dos anyos dimpués, o grupo se treslada ta Berlín, a on prencipian con a gravación d'o suyo primer álbum Riot Radio. Ye alavez cuan Niki, o guitarrista, albandona o grupo ta deixar o suyo puesto a Beni. Ya con a formación estable d'o grupo, actuarán como teloners ta importants grupos d'a escena d'o skate punk como Venerea, Anti-Flag, Donots y The (International) Noise Conspiracy. En agüerro de 2004 quitan un nuevo treballo d'estudio, From Protest to Resistance. En os siguients meses actuarán con grupos como The Distillers, Dead Kennedys, Good Riddance y Social Distortion.

Dica l'inte, o grupo heba feito alto u baixo 300 conciertos en nueu países diferents. En a primavera de 2005 Die Toten Hosen conoixen a os ZSK y les ofreixen actuar como teloners en bels d'os suyos conciertos. Ixe mesmo verano actuoron tamién de teloners en a chira de Bad Religion por Alemanya.

En 2006 amaneixe o suyo tercer álbum Discontent Hearts And Gasoline, fendo una chira de presentación chunto a Taking Back Sunday y Bloodhound Gang. En febrero de 2007 amaneixerá o suyo primer DVD con o títol de Wenn so viele schweigen, müssen wir noch lauter schreien. Iste treballo encluyiba nueu cancions en directo como teloners d'os "Hosen"; una autobiografía d'o grupo de 90 menutos de duración, toz os vidios musicals que heban publicatos dica ixa calendata, y un CD con 6 temas inéditos y nueu cancions en directo (as cancions d'os conciertos chunto a os Toten Hosen)

O 24 de marzo de 2007 o grupo anuncia a suya deseparación dimpués d'un concierto en a sala "Übel und Gefährlich" de Hamburgo. En un e-correu dirichito a toz os suyos fans agradeixioron o refirme mientres os suyos 10 anyos d'historia, anuncioron que dende alavez s'adedicarían mas a treballar por lograr os suyos obchectivos politicos y rematoron decindo:

En cualsiquier caso, de cabo cuan, continarez sentindo noticias sobre nusatros. Ista no ye a zaguera vegata que mos veyeremos. Lo prometemos!

Prochectos[editar | modificar o codigo]

En 2005 o grupo prencipió, en cooperación con atros grupos como Die Toten Hosen, Die Ärzte, Donots, Madsen, Muff Potter, Beatsteaks, Julia Hummer y Culcha Candela, un prochecto dito "Kein Bock auf Nazis". En o DVD, de gufanya, apareixeba a-saber-lo material educativo y información sobre diferents leis alemanas relativas a o tema de l'antifaixismo. En as entrevistas que s'encluyiban se presentaban diferents prochectos de chóvens antifaixistas y os grupos que i feban parti ninvioron diversos mensaches contra as actuals leis en relación a iste tema. A tirada inicial de 60.000 eixemplars s'acotoló de tot, no tornando a fer-se atra nueva. Manimenos o material se puet descargar encara de traza legal y gratuita en Internet. L'obchectivo d'iste prochecto yera refirmar a o Antifaschistisches Pressearchiv und Bildungszentrum Berlin (l'Apabiz, o Centro Archivos de Prensa y Imáchens Antifaixistas de Berlín), a la Fundación Rosa Luxemburgo y a la "Arbeitsstelle Rechtsextremismus und Gewalt Braunschweig".

En 2007 se tornó a fer una nueva versión d'o "Kein Bock auf Nazis" con una tirada de 50.000 eixemplars con o títol de "Kein Bock auf Nazis Reloaded". En iste nuevo DVD apareixen tamién os grupos Fettes Brot, Wir sind Helden y o presentador de MTV Markus Kavka. Amás bi heba tamién un nuevo documental d'a cadena de televisión RBB sobre os neonazis.

Parolas[editar | modificar o codigo]

As suyas cancions gosan tractar y criticar temas como a xenofobia, a violencia policial, as inchusticias socials, o consumismo irresponsable, as politicas de deportacions, a insuficient lechitimidat d'as cherarquías y a globalización. Por un regular proposan un cambio positivo a traviés d'un compromís d'a sociedat con istos temas. D'atra man, a traviés d'a suya musica ZSK refirman o vechetarianismo y o veganismo y simpatizan con os grupos que treballan por os dreitos d'os animals como PeTA y o Animal Liberation Front. En o suyo álbum debut se podeban trobar bels vidios d'a cumbre d'o G8 de Chenova, asinas como un vidio de PeTA. En o suyo segundo disco adedicoron a ista fin un CD extra. En a suya canción "24. August 1992" o grupo fa una critica d'o exceso de violencia por parti d'as autoridaz en os disturbios de Rostock-Lichtenhagenque se producioron en o barrio de Lichtenhagen, en a ciudat de Rostock, entre os días 22 y 24 d'agosto de 1992.

As cancions de ZSK son mas que mas en alemán, ya que afirman asinas o suyo mensache se puet entender a escape. Tamién tienen bellas cancions en anglés ta que os foranos "revolucionarios" puedan entender-las.

Discografía[editar | modificar o codigo]

Anyo Títol Disco Discografica Tipo
1997 Keep Skateboarding Punkrock MC Eigenproduktion Demo
1999 Split CD Nasty Vinyl Split w/ Blowing Fuse
2002 Riot Radio CD Wolverine Records Álbum
2004 From Protest to Resistance CD/CD-ROM Bitzcore Records Álbum
If Liberty means anything at all CD Bitzcore Records EP
2005 5 Track Festival CD 2005 CD Bitzcore Records Promo
Riot Radio CD Bitzcore Records Re-Release + Material extra
We are the Kids CD/CD-ROM Bitzcore Records Álbum Internacional
2006 Alles steht still Radio-Single Bitzcore Records Promo
Discontent Hearts and Gasoline CD, 12“ Bitzcore Records Album
2007 Wenn so viele schweigen müssen wir noch lauter schreien DVD/CD Bitzcore Records Live-DVD + Live-CD

Vinclos externos[editar | modificar o codigo]