Vin de Porto

De Biquipedia
Ir ta: navego, busca
Vin de Porto
Port wine.jpg
Vin de Porto
Orichen cheografico
Cocina: Gastronomía portuguesa
Orichen: Flag of Portugal.svg Porto, Portugal
Se bebe en: Portugal
Categoría: Vin
Elaboración
Ugas: Tinta Roriz, Tinta Barroca, Touriga, Tinta Cāo, Malvasía Dourada, Malvasía Fina, Gouveio y Rabigato.
Variedatz: Full, red, ruby, tawny y light - tawny
Alimentos relacionatos
Vin de Madeira

O vin de Porto (en portugués vinho do Porto), tamién conoixito simplament como porto (u port en anglés), pertenixe a o chenero de vins conoixito como vins fortificatos. Istos vins naixioron en os sieglos XVI y XVII, como producto de l'adición de brandy a o vin quan ye en proceso de fermentación. D'ista traza se consigue a estabilización d'o vin, logrando un vino que resistiba as variants temperaturas y humedatz d'o largo trachecto maritimo que o comercio d'a epoca imposaba.

Historia[editar | editar código]

Vinyals en a val de l'Alto Duero

O vin de Porto se produce en os vinyals d'a Rechión viticola de l'Alto Duero, en Portugal. Antis d'o sieglo XVII, ista rechión yera ya conoixita por os suyos vinos, tintos y blancos, encara que yeran poco consumitos difuera de Portugal. En 1678, Anglaterra y Francia dentran en guerra, ocasionando escaseza de vin en o reino britanico. Ta fer frent a la escaseza, Anglaterra recurrió a os vins de Portugal, aliato suyo dende feba tres sieglos. O vin d'a val d'o Douro prencipió a fer-se popular en Gran Bretanya, mas que mas por a suya ubicuidat en tiempos a on o vin francés yera escaso u inexistente. Una versión sobre l'orichen d'o vin de Porto como se conoixe actualment, dice que en 1678, comerciants de Liverpool adoptoron una tecnica emplegata en un monesterio en Lamego ta modificar o vin. Ista tecnica consiste en adhibir brandy a o vin mientres a fermentación, interrumpindo asinas dito proceso. O resultato ye un vin con mas contenito d'alcohol (dica 25 °G.L.), y con sabor mas dulce, debito a o zucre remanent que no remató de fermentar-se.

Bodegas Croft, en Vila Nova de Gaia

O exito d'iste tipo de vin en Gran Bretanya, levo a estableiximiento de quantas casas vinicolas en Portugal, d'orichen britanico. En o sieglo XVIII, bi heba ya un monopolio britanico de facto sobre a producción de porto. Iste monopolio duró dica a fundación d'a Companhia Velha, que marcó o ingreso d'os portugueses en a producción y comercialización d'iste vin.

Tipos de vin[editar | editar código]

Os portos se caracterizan por a suya gran intensidat aromatica, a presencia de l'alcohol, a suya dulzura y a tanicidat en belunas d'as suyas categorías.

O Porto tinto se fa a partir d'ugas Tinta Roriz, Tinta Barroca, Touriga y Tinta Cāo. O porto blanco s'obtiene d'as ugas Malvasía Dourada, Malvasía Fina, Gouveio y Rabigato.

Tipos de vino de Porto tinto[editar | editar código]

Botellas de vin de Porto
  • Retinto (full) – vin nuevo, con cuerpo, con acentuato sabor a fruito.
  • Tinto (red) – vin encara nuevo, colors royencas, vinoso, sabor y cuerpo parellanos a o full.
  • Tinto dorado (ruby) – vin con (8 a 10) ueito a diez anyos fendo-se viello, a suya color ye rubí.
  • Dorato (tawny) - vin con (15 a 20) quince a vente anyos fendo-se viello, dorato, con tons amariellos, ya plen de qualidatz, de lote y refrescato con atros vins mas chovens ta dar-le frescura.
  • Dorato claro (light - tawny) – vin de gran categoría, en a zaguera fase de fer-se viello, tenendo ya o punto mas alto d'as suyas qualidatz. Manimenos ye un producto que cal cuidar, se floreixe si no es refrescato con vins mas chovens que permitan a suya existencia indefinita.

Dentro d'istas categorías o vin puet estar muit dulce, dulce, semi-xuto, u extra-xuto. A dulzura d'o vin constituye una opción d'o fabricant, condicionata por l'inte en que s'interrumpe a fermentación.

O vin de porto se puet tomar en copas tipo porto u tipo licor en as cantidatz por dosis de 2 onzas, os diferents tipos Vintage, Ruby, Tawny u 10, 20 dica 40 anyos, como aperitivos u como dichestivos asinas como ta acompanyar postres como quesos fuertes. S'han de disfrutar a temperatura ambient y nunca fer-los enfriar, encara quan a temperatura ye alta.

Se veiga tamién[editar | editar código]

Vinclos externos[editar | editar código]

Commons-logo.svg
Se veigan as imáchens de Commons sobre o vin de Porto.