Vehíclo comercial lichero

Vehíclo comercial lichero (en anglés Commercial light vehicle, u LCV por siglas) ye una categoría d'automóbils definida por a Comisión Europea y que s'aplica con os vehíclos de transporte de mercancías con una masa maxima autorizada de no más de 3500 kilogramos. Os vehíclos que s'incluye en ista categoría gosan estar os que popularment se diz furgonetas^[1], furgonas^[1] y tamién s'incluye camionetas y cambions chicoz con M.M.A. de no mas de 3500 Kg.

A efectos de criterios d'homologación son as categorías N1 y M1, si bien N1 ye centrada en vehíclos de carga y M1 se destina a os vehíclos derivaus de furgoneta que predomina o transporte de pasachers (siempre que no pase de ueito plazas mas conductor -os que se'n diz popularment un "minibús" u "microbús"-, pos alavez ya se consideraría autobús). A categoría d'os vehíclos gosa trobar-se en a ficha tecnica de vehíclo.

D'entre os vehíclos comercials licheros se puede fer distinción entre os que son derivaus d'una plataforma de turismo, concepto que fue bien popular en as zaguerías d'o sieglo XX y cuasi todas as marcas d'utilitarios en fizon, y os vehíclos que ya s'ha concebius en primeras como furgoneta. Hue, a mayoría d'as furgonetas chicotas dimanan ya d'un disenyo propio y no se modifica a esprés parte d'a carrocería d'un turismo pa producir-las.

Os vehiclos comercials licheros pueden conducir-se con o carnet de conducir B, o mesmo que os turismos, y a diferencia d'os que tienen más de 3500 Kg de masa maxima autorizada pa os cuals ya se fa preciso tener o carnet C (cambions) u D (autobuses). Manimenos i hai vehíclos modificaus a partir d'un LCV, como as ambulancias, furgonas policials y bel cambión de pompers, que por a suya condición eventual de vehíclo prioritario en a circulación, precisan o carnet BTP.

Se veiga tamién

Referencias

↑ ^1,0 ^1,1 (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.

Datos: Q2666883
Multimedia: Light commercial vehicles / Q2666883

[DORTO-1] 1,0 ^1,1 (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.

[1]