Furgoneta
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Una furgoneta ye un vehíclo comercial lichero emplegau pa transportar biens u grupos de personas. Una furgoneta tien en a parti posterior una zona de carga de formas ortogonals y acubilada, a o contrario que una camioneta pickup, que la tien a l'aire libre. En bells casos, ista zona tiene quantas filas d'asientos, y en atros ye vueita pa transportar obchectos grans. A vegadas os veires laterals pueden estar reemplazaus por una continación d'a chapa.
O portón trasero ye quasi siempre de dos fuellas d'apertura horizontal. Una furgoneta gosa estar mas alta que un auto y que un monovolumen. Con respecto a un monovolumen, a posición d'os asientos ye mas tiesa y alta, y o morro mas curto. O motor ye quasi siempre debantero, y en bells casos ye situau por debaixo d'os asientos debanteros para disminuir a largaria total. Excepción son as furgonetas chicotas derivadas dreitament de turismos d'o segmento B -y mas rarament de l'A u o C-como Fiat Fiorino y Opel Combo que gosan compartir toda a estampación con o modelo de que derivan dica o pilar B u bi ha atras que comparten plataforma con turismos encara que con estampación propia como as Ford Transit Connect, Renault Kangoo u Citroën Berlingo. Una d'as furgonetas mas conoixidas a livel mundial ye a Volkswagen Transporter.
Se veiga tamién[editar | modificar o codigo]
Vinclos externos[editar | modificar o codigo]
Se veigan as imachens de Commons sobre as furgonetas.- (es) Furgonetas Mercedes
- (es) Alquiler de furgonetas Guía Práctica
