Vasuera espacial

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Vasuera espacial arredol d'a Tierra.

Vasuera espacial (u tamién ferralla espacial) (en anglés space debris u space junk) ye una parola emplegada pa designar obchectos artificials en o espacio que ya no cumplen una función util. Istos obchectos pueden estar satelites abandonaus y etapas de s gastaus pero tamién atros mas chicorrons como tacas de pintura u fragmentos de colisions.

Impauto

A vasuera espacial representa un grieu periglo pa las naus espacials. A suya cantidat ha iu en augmento en as zagueras anyadas con o creixent uso d'o espacio. En febrero de 2020, s'estimaba que i heba mas de 128 millons de piezas d'enruenas de menos d'1 cm , aproximadament 900,000 piezas d'enruenas d'1 a 10 cm, y arredol de 34,000 piezas de mas de 10 cm yeran en orbita arredol d'a Tierra.

Mesmo o impauto de chicotas chislas, a causa d'a suya elevada velocidat, pueden fer grieu mal a las naus espacials y mesmo destruir-las u deixar-las inservibles como que succedió en 1996 cuan un troz d'un codete Ariane topetó con o satelite Cerise u o 10 de febrero de 2009 cuan o satelite Iridium 33 tuvo un topetazo con o satelite abandonau Kosmos 2251 producindo a destrucción de todas dos naus y chenerando una enorme cantidat de replegadizos.

Se teme que se plegue a un punto en o cual i haiga tanta vasuera espacial que os rebuscallos cheneren colisions entre éls chenerando encara mas enruena en un efecto en cadena clamau sindrome de Kessler o cual deixaría inservible l'acceso a o espacio por centenars d'anyadas.

Solucions

En l'actualidat a os disenyadors d'un nuevo vehíclo espacial u satelite se les exiche con frecuencia que contrimuestren que se puede eliminar de forma segura a la fin d'a suya vida util, por eixemplo, por meyo de l'uso d'un sistema de re-dentrada atmosferica controlada u un empento enta una orbita clamada orbita fosal.

S'han usau y proposau cuantas solucions pa la vasuera que ya existe en l'espacio:

• Maniobras d'evasión: os grans trozos de vasuera espacial son seguius permanentment dende Tierra por meyo de radar y cuan se detecta un amanando-se a un satelite u una nau tripulada s'efectúa una maniobra pa privar a colisión. Dende 1999 dica 2014 a Estación Espacial Internacional ha efectuau 16 maniobras d'iste tipo.
• Escudo Whipple: belunas naus espacials ya transportan iste tipo d'escudo especialment pensau contra micrometeoritos y vasuera espacial.
• Escopallo laser: por meyo d'un rayo laser disparau dende Tierra calentaría un costau d'as bolisas de vasuera provocando un chicot empento en ellas, pro pa que encieten a suya caita en l'atmosfera an se desintegrarían.
• Rez desplegaus en o espacio que replegarían a borrufalla. Se fació una preba en setiembre de 2018 con o satelite DebrisSat 1.

Referencias

• Datos: Q275450
• Multimedia: Space debris / Q275450