Vals Pasiegas

Vals Pasiegas
Comarca de Cantabria
Río Pas en pasando por Puente Viesgo
Capital  •Municipios	Villacarriedo 13
Entidat  •País	Comarca  Cantabria
Superficie  •Total	599 km²
Población  •Total  •Densidat	23.257 hab. 38,82 hab./km²
Mapa de situación en Cantabria

As Vals Pasiegas (en castellano Valles Pasiegos) ye una comarca de Cantabria. Por ista comarca pasan os ríos Pas y Miera. Muga a lo norte con a Comarca de Santander, a l'este con a de l'Asón-Agüera, a l'ueste con a d'o Besaya, y a lo sud con Espinosa de los Monteros en a provincia de Burgos.

A comarca, tamine conoixita como Pas-Miera u Pas-Pisueña-Miera, engloba os cursos altos d'os rius Pas y Miera, y ye formata por as vals de Toranzo, Carriedo, Cayón y Pas. Con un caracter prencipalment rural, a suya población prende d'os servicios que se troban en as localidatz de Torrelavega, Santander o Laredo.

A población total d'a comarca ye de 23.257 habitants, seguntes datos de l'INE de l'anyo 2006. Seguntes os datos d'o mesmo anyo, os suyos tres nuclios más poblatos, de mayor a menor, son: Santa María de Cayón (7.377), Puente Viesgo (2.522) y Corvera de Toranzo (2.199). Y os suyos tres nuclios menos poblatos, de menor a mayor, son: San Roque de Riomiera (461), Saro (510) y San Pedro del Romeral (561).

A tamas que ya existe una lei de comarcalización de Cantabria, ista encara no ha estau desembolicata por tanto a comarca no tien encara entidat oficial.