Vacuna de Johnson & Johnson contra la COVID-19
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
A vacuna de Johnson & Johnson contra la COVID-19 u Janssen, con nombre en codigo Ad26.COV2.S u JNJ-78436735, ye una vacuna contra a malotía COVID-19[1] que estió desembolicada por Janssen Vaccines en Leiden, Países Baixos, y a suya interpresa matriz belga Janssen Pharmaceuticals, subsidiaria de l'interpresa estausunidense Johnson & Johnson.
Ye una vacuna de vector viral basada en un adenovirus humán que ha estau modificau pa contener o chen pa producir a proteína de pico d'o virus SARS-CoV-2 que causa la COVID-19. O sistema immunolochico d'o cuerpo responde a ista proteína de pico pa producir anticuerpos. A vacuna requiere nomás que una dosis y no cal almagazenar-se conchelada.[2]
Os ensayos clinicos d'a vacuna encomenzoron en chunio de 2020, con ensayos de fase III en os quals participoron arredol de 43.000 personas. O 29 de chinero de 2021, Janssen anunció que 28 días dimpués d'una vacunación completa, a vacuna teneba una eficacia d'o 66 % en un rechimen d'una dosis pa aprevenir o COVID-19 sintomatico, con una eficacia d'o 85 % pa aprevenir o COVID-19 grieu, y 100 % d'eficacia en a prevención de l'hospitalización u muerte causada por a malotía.
A vacuna ha recibiu una autorización d'emplego d'emerchencia de l'Administración de Drogas y Virollas d'os Estaus Unius y una autorización de comercialización condicional de l'Achencia Europea de Medecinas (EMA).
Referencias[editar | modificar o codigo]
- ↑ (en) A Study of Ad26.COV2.S for the Prevention of SARS-CoV-2-Mediated COVID-19 in Adult Participants (ENSEMBLE) en clinicaltrials.gov
- ↑ (en) Janssen COVID-19 Vaccine (Johnson & Johnson) en CDC