Vacuna d'Oxford-AstraZeneca contra la COVID-19

De Biquipedia
Ir a la navegación Ir a la búsqueda
Vacuna d'Oxford-AstraZeneca contra la COVID-19.

A vacuna d'Oxford-AstraZeneca contra la COVID-19 , con nombre en codigo AZD1222, y vendida baixo as marcas Covishield[1] y Vaxzevria entre atras, ye una vacuna de vector viral pa a prevención de COVID-19. Desembolicada por l'Universidat d'Oxford y AstraZeneca, s'administra por inchección intramuscular, fendo servir como vector l'adenovirus ChAdOx1 modificau d'o chimpanzé. A eficacia d'a vacuna ye d'o 76,0 % pa aprevenir o COVID-19 sintomatico a partir d'os 22 días posteriors a la primera dosis y d'o 81,3 % dimpués d'a segunda dosis.[2]

A vacuna tien efectos secundarios que incluyen dolor en o puesto de l'inchección, dolor de tozuelo y ansias, que por un regular desapareixen en uns poquetz días.[3] Más rarament, puede ocurrir anafilaxia; asinas l'Achencia Reguladora de Medecinas y Productos Sanitarios d'o Reino Uniu (MHRA) tien 268 informes d'uns 21,2 millons de vacunas a lo 14 d'abril de 2021. En casos muit raros (arredol de 1 de cada 100.000 personas), a vacuna s'ha asociau con un mayor risgo de coagulos de sangre en combinación con libels baixos de plaquetas en a sangre.[4] Seguntes l'Achencia Europea de Medecinas, a lo 4 d'abril de 2021, s'heban notificau 222 casos de coagulos de sangre en l'Espacio Economico Europeu y o Reino Uniu, an arredol de 34 millons de personas heban recibiu a vacuna.

O 30 d'aviento de 2020, a vacuna s'aprebó por primera vegada pa la suya emplego en o programa de vacunación d'o Reino Uniu, y a primera vacunación difuera d'un ensayo s'administró o 4 de chinero de 2021. Dende alavez, a vacuna ha estau aprebada por quantas achencias de medecinas en tot o mundo, como l'Achencia Europea de Medecinas (EMA), y l'Administración Australiana de Productos Terapeuticos, y estió aprebada pa una Lista d'Emplego d'Emergencia por l'Organización Mundial d'a Salut (OMS). Beluns países han limitau a suya emplego a personas d'edat abanzada con mayor risgo de malotía grieu por COVID-19 a causa que a preocupacions sobre os efectos secundarios d'a vacuna en personas mas chovens.[5]

O 26 de mayo de 2021, investigadors de l'Universidat de Ulm publicoron un estudeo que amuestra que a vacuna contiene grans cantidatz de proteínas humanas (incluyidas proteínas de choque termico como Hsp90) que son restas d'a reproducción d'adenovirus en lineas celulars humanas y no tienen una función razonable pa a vacuna real y, por lo tanto, son impurezas no deseyadas. A cantidat d'istas impurezas varía entre os lotes de vacuna; en o lote ABV5811, dos tercios d'as proteínas son impurezas, entre que que en ABV4678 y ABV7746 nomás que arredol d'a metat d'as proteínas son impurezas.[6]

Referencias[editar | modificar o codigo]

  1. (en) Sputnik V, Covishield, Covaxin: What we know about India's Covid-19 vaccines en BBC
  2. (en) Voysey M, Costa Clemens SA, Madhi SA, Weckx LY, Folegatti PM, Aley PK, et al. (February 2021). "Single-dose administration and the influence of the timing of the booster dose on immunogenicity and efficacy of ChAdOx1 nCoV-19 (AZD1222) vaccine: a pooled analysis of four randomised trials". Lancet. 397 (10277): 881–891.
  3. (en) "Coronavirus Vaccine : Summary of Yellow Card reporting" (PDF)
  4. (en) "Annex 1: Summary of Product Characteristics" (PDF)
  5. (en) Spain, Belgium and Italy restrict AstraZeneca Covid vaccine to older people en The Guardian
  6. (en) Process-related impurities in the ChAdOx1 nCov-19 vaccine (PDF)