Trolebús

Un trolebús^[1] (de l'anglés trolley bus) ye un autobús electrico alimentau por dos cables superiors dende a on prene a enerchía electrica, a traviés de dos astas. O trolebús no fa uso de vías especials u guías en a calzada, lo que lo fa un sistema mas flexible. Conta con pneumaticos de caucho, en cuentas de ruedas d'acero en guías como os tramvías.

Historia

A historia d'o trolebús prencipia o 29 d'abril de 1882, cuan Ernst Werner von Siemens fa caminar o suyo Elektromote en un suburbio de Berlín, que funcionó dica o 13 de chunio de 1882.^[2] A primera linia experimental, desembolicada por Lombard Gérin, se metió en marcha pa a Exposición Universal de París de 1900.^[3] Max Schiemann fa un blinco decisivo cuan o 10 de chulio de 1901 implanta a primera linia de trolebuses pa o transporte público en Bielathal (amán de Dresden) en Alemanya.^[4]

O desarrollo d'o trolebús data d'a primera decada d'o sieglo XX, cuan pareixeba que sería un punto meyo natural entre os vehíclos electricos (tramvía) y os autobuses de benzina. Os sistemas de trolebús pueden evitar obstaclos en a via que un tramvía no puet esquivar, cosa que'n aumenta a seguridat y no requiere de l'alta inversión d'una linia de tramvía. Tamién presenta una capacidat de transporte intermeya entre os omnibuses y os tramvías (menos capacidat que un tramvía, pero mas que un omnibús) por hora y por dirección. O trolebús se desembolicó amplament en os paises d'a Europa Oriental u en a URSS, a on s'implantoron en cuasi todas as ciudaz con mas de 200.000 habitants.

Trolebuses en Zaragoza

I habió cuantas linias de trolebús circulando por a ciudat de Zaragoza. Os primers trolebuses prencipioron a funcionar en l'anyo 1951 en as linias que levaban ta Terminillo y Ciudat Chardín. Diez anyos dimpués, en 1961, prencipian a circular trolebuses de dos pisos trayius dende Anglaterra.

O declin d'iste medio de transporte en a capital aragonesa prencipia en a decada de 1970, concretament con a lei 26/1976 de l'anyo 1973 que empara a progresiva subtitución d'os trolebuses por autobuses convencionals. En 1975 se suprimen os tres trolebuses de Barrio de Chesús, Galligo y Ciudad Jardín que serán substituyius por linias d'autobus.

Referencias

↑ (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
↑ (en) Electrification in Urban Transport: A Case Study with Real-time Data. İsmail Can Di̇kmen, Yunus Emre Eki̇ci̇, Teoman Karadağ, Teymuraz Abbasov, Serdar Ethem Hamamci. Balkan Journal of Electrical and Computer Engineering, 9, 30 de chinero de 2021. ISSN 2147-284X. Pach. 69–77. DOI 10.17694/bajece.837248
↑ (en) Book review: ‘Lombard-Gerin & Inventing the Trolleybus’ by Ashley Bruce. Vitali Vitaliev. 23 de chunio de 2017
↑ (de) Strassenbahnen. Max Schiemann. Leipzig: NN, 1898. DOI 10.25534/tudigit-9220

Vinclos externos

(es) Cronología del transporte público de Zaragoza. Tranvías de Zaragoza.
(es) El último trolebús de Zaragoza. Heraldo de Aragón.

Datos: Q5639
Multimedia: Trolleybuses / Q5639

[DORTO-1] (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.

[2] (en) Electrification in Urban Transport: A Case Study with Real-time Data. İsmail Can Di̇kmen, Yunus Emre Eki̇ci̇, Teoman Karadağ, Teymuraz Abbasov, Serdar Ethem Hamamci. Balkan Journal of Electrical and Computer Engineering, 9, 30 de chinero de 2021. ISSN 2147-284X. Pach. 69–77. DOI 10.17694/bajece.837248

[3] (en) Book review: ‘Lombard-Gerin & Inventing the Trolleybus’ by Ashley Bruce. Vitali Vitaliev. 23 de chunio de 2017

[4] (de) Strassenbahnen. Max Schiemann. Leipzig: NN, 1898. DOI 10.25534/tudigit-9220

[1]

[2]

[3]

[4]