Treballo social

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Parella homosexual cudiando d'n bebé.

O treballo social ye una profesión y disciplina academica que mira de millorar a calidat de vida y bienestar d'un individuo, grupo u comunidat intervenindo a traviés d'a investigación, politica, organización comunitaria, practica directa u amostranza en nombre d'os afectatos de pobreza real, inchusticia social u violacions d'os dreitos humans.

A profesión de treballador social naixió a fins d'o sieglo XIX. A problematica social en as grans ciudaz industrials d'allora como Chicago, Londres u Amsterdam amenistaban una respuesta profesionalizada ta las necesidaz socials pues a beneficiencia que heba estau dica allora a respuesta a las situacions de precariedat yera insuficient ta las nuevas necesidaz y problematicas d'a sociedat industrial.

Mary Richmond, Jane Adams entre atros desembolicoron ista profesión fendo se servir d'as conoixencias aportadas por a Psicolochía Social y a Sociolochía. Se concibiba a o ser humano como un ser bio-psico-social, ye dicir, que para comprender a situación an que se troba cal parar cuenta en o suyo estau psicolochico y actuar dende a psicolochía pero cal parar cuenta en o suyo contexto social ta poder fer un diagnostico social d'a suya situación que permita fer una intervención eficaz.

Actualment o treballo social ye una profesión bien estendillada que da respuesta a las diferents necesidaz socials d'a sociedat, dende a intervención orientativa y informativa ta dar respuesta a las demandas socials d'os ciudadans dica la intervención social terapeutica contribuindo t'o bienestar social d'a persona, pasando por a intervención comunitaria desembolicando o potencial d'una comunidat ta que pueda risponder con autonomía a las suyas problematicas. Istos profesionals treballan principalment en Servicios Socials.