Malautía

La chica malauta, de Michael Ancher.

Una malautía u malotía, tamién malur u malura (d'o latín malus), u enfermedat (d'o latín infirmĭtas) ye una alteración de las funcions o de la salut d'un organismo vivo, animal u vechetal. Cuan produce dolors se charra d'una dolemia.

Se parla tamién de la malautía referindo-se a las alteracions de la salut, millor que d'una malautía, que designa allora una entidat particular caracterizada por causas, simptomas y una evolución y unas posibilidaz terapeuticas propias. Tamién se gosa fer servir o termin mal, que s'emplega ta nombrar bellas enfermedaz, como o mal minchador, o mal de banzo u o mal d'alferecías.

Un malauto (d'o latín male habitus) ye una persona que ye sufrindo una malautía, sabendo cual ye u no. La mayor parte d'o tiempo este termin s'emplega pa desinnar un estato humán. Cuant a un malauto lo prene un medico u recibe atención medica, se converte en un pacient.

Tipos de malautías

Bi ha una gran diversidat de malautías, por o que se precisa una clasificación. As clasificacions d'as malautías son variadas. Una clasificación inicial puet estar:

• Malautías fisicas.
  • Malautías infecciosas y parasitarias.
  • Malautías no infecciosas.
    • Malautías tumorals, oncolochicas u neoplastica.
    • Malautías sanguinias y immunitarias.
    • Malautías metabolicas, endocrinas u nutricionals.
    • Malautías respiratorias.
    • Malautías cardiovasculars.
    • Malautías cutanias.
    • Malautías musclo-esqueleticas.
    • Malautías chenito-urinarias.
    • Malautías cheneticas.
    • Malautías dechenerativas.
    • Lesions.
• Malautías mentals.
• Malautías socials.
• Malautías terminals.

Se veiga tamién

• Medecina.
• Medicina.

Vinclos externos

• Se veigan as imáchens de Commons sobre as malautías.
• (es) Pachina web d'a OMS (Organización Mundial de la Salud).
• (es) Servicio Aragonés d'a Salut.

• Datos: Q12136
• Multimedia: Diseases and disorders / Q12136