Thor
| Thor | |
|---|---|
 Thor seguntes o pintor Mårten Eskil Winge | |
'
| |
| Mitolochía: | norrena |
| País: | Escandinavia |
En a mitolochía norrena, Thor ye lo dios d'o trueno y fuerza. Manimenos, o suyo paper ye complexo ya que teneba influxo en arias muit diferents, tals como o clima, as cullitas, a protección, a consagración, a chusticia, os viaches y as batallas.[1]
A suya arma ye un martiello que se lanza, clamau Mjolnir, d'o qual se fazioron copias como amuleto que dimpués se convirtioron en un simbolo pagano que desafiaba a la cristianización d'Escandinavia.[2]
Thor viacheya en un carro que ye tirau per os bucos machicos clamaus Tanngrisnir y Tanngnjóstr. Teneban a peculiaridat que Thor podeba cocinar-los y dimpués si amenesteba continar o suyo viache, cubriba os uesos con a piel y feba servir o poder rechenerador d'o suyo martiello pa tornar-los a la vida.
Una vegada que o proceso de cristianización estió completau, a figura de Thor estió demonizada per o creixent influxo de misioners cristians. Dimpués de que o cristianismo s'alazetase, restas d'a suya fe se conservoron de forma clandestina sobretot en arias rurals, sobrevivindo asinas dica tiempos modernos en o folclore germano y mas dinantes reconstruyiu baixo quantas formas en o neopaganismo chermanico.
Referencias[editar | modificar o codigo]
- ↑ (en) Arnold, Martin (2011). Thor: Myth to Marvel. Continuum. ISBN 978-1-4411-3715-9.
- ↑ (en) Turville-Petre, Gabriel. Myth and religion of the North : the religion of ancient Scandinavia. Westport, Conn: Weidenfeld and Nicolson, 1964, 1975, p. 83. ISBN 0-8371-7420-1.