Terrazo

De Biquipedia
Ir ta: navego, busca

O terrazo ye un material de construcción feito per o procedimiento conglomeración, mezclando-ie brozolas y tricallas de piedras, más que más mármol chunto con o cemento que fa de conglomerador. Ye un material de baixo coste de producción y una graniza resistencia y per ixo ha teniu un emplego bien gran en a construcción, chunto con as ceramicas y o gres.

O suelo de terrazo fue emplegau en primerías en Venecia en o sieglo XV, como forma d'aproveitar os ixallos de a construcción quan se treballaba con o mármol. A etimolochía d'a parola mármol deriva de a parola italiana "terrazza" que ye derivada de o latín terracĕus (tierra).

A composición orichinal, de o terrazo yera nomás archila mezcluziada con brozolas y tricallas de marmol. Dimpuesas con o procedimiento de o pulimentau, se fa fer que tenese menor asprura y mayor fineza. En zaguerías, os fedors paroron cuenta que fotendo-ie leit de craba, l'aspecto de o suelo se feba apaixiu a o mármol, alavez empecipioron a foter leit en as mezclas.

Hue, o mármol contina sendo l'arido de referencia ta fabricar terrazo, encara que tamién se i fica belatro tipo de piedra. Como aglomerant s'emplega cemento blanco, u con belatro pigmento u tinturas. En os zaguers anyos, s'emplega bien a sobén resina epoxi, y en menor mida atres compuestos quimicos como latex u resinas de polièster.

Ixa composición de o terrazo, que ye prou apaixida a la de o fornigón, ha feito que seiga un material de construcción tanto ta exteriors como interiors que contina emplegando-se chunto con atros nuevos materials de contrucción.