Sternschanzenpark

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Sternschanzenpark
Agüerro en Sternschanzenpark
Administración
Estau
País	Alemanya
Ciudat	Hamburgo
Districto	Altona
Barrio	Sternschanze
Datos chenerals
Nombre oficial	'
Atros nombres	Schanzenpark
Tipo	Urbán
Grandaria	12 hectarias
Debantadera
Operador
Vesitants
Estatus
Mapa
En verde o parque en o barrio de Sternschanze

O Sternschanzenpark, u tamién a sobén dito simplament Schanzenpark, ye un parque publico de 12 hectarias d'a ciudat d'Hamburgo situato en o barrio de Sternschanze. Por dencima d'o parque se debanta a Schanzenturm, una torre d'augua de 60 metros d'altaria que gosó estar a mas alta d'Europa y que hue, dende 2007, ye un hotel. O parque se troba sobre un tozal de 28 metros d'altaria en o districto d'Altona.

O parque

Historia

Fortaleza en forma d'estrela en Sternschanze (1789-1796)

O Sternschanzenpark yera dica 1866 parti d'a fortificación d'Hamburgo en a ribera alta de l'Elba. Como parti d'a muralla d'a ciudat se podeban trobar estructuras esfensivas con forma d'estrela, lo que da nombre a o districto. Literalment "Sternschanze" ye una fortaleza (en alemán "Schanze") con forma d'estrela (en alemán "Stern"). Por ixas envueltas a Companyía de Ferrocarils d'Altona-Kiel ("Altona-Kieler Eisenbahn-Gesellschaft") chunto con o Senau d'Hamburgo construyó a o sud de Sternschanze una connexión ferroviaria entre a ciudat prusiana d'Altona y a gara central d'Hamburgo.

Mientres a construcción d'a linia de ferrocarril Hamburgo-Altona, se deseparó o Sternschanzenpark d'a fortificación d'Hamburgo ("Hamburger Wallanlagen"), en a zona de l'actual Planten un Blomen y o palacio de congresos, convirtindo-se asinas en un parque local.

Debito a que ye amán d'a linia d'o S-Bahn que leva enta a gara central (dos garas de distancia) o parque s'emplegó, mas que mas en os anyos 1996 y 1997 como refuchio ta traficants de droga y drogadictos dimpués de que fuesen forachitatos d'a zona d'a gara central.

Actualidat

O Sternschanzenpark constituye una important zona d'ocio ta os habitants d'o barrio, que gosar ir-ie ta fer una gambada, minchar u ascuitar musica. Ta os ninos o parque ye un puesto de chuego en mel meyo d'a naturaleza. En verano mas que mas se i gosan trobar a sobén chicoz artistas, a mas d'o cine a l'aire libre Das Open Air Kino im Schanzenpark que amuestra cintas en os meses de chulio y agosto.

En o mesmo parque o en l'arredol se troban situatos l'antigo deposito u torre d'augua (Schanzenturm), o parque de bombers voluntarios de Pöseldorf con o suyo edificio nuevo construito en 1999, un chicot bunker antiaerio asinas como o Café Sternchance, que yera l'antiga casa de Noruega (Norwegerheim), una guarderia construita con aduya d'o gubierno noruego en 1952 (en o verano de 1998 estió victima d'un incendio).

En a suya muga occidental se troba a "Residencia Masona ta personas mayors Elisabeth de l'anyo 1795" (Elisabeth Alten- und Pflegeheim der Freimaurer von 1795) que perteneixe a os masons y que actualment ye enamplando as suyas instalacions.

Esporte

Partiu de fútbol d'a Oberliga en 2006 entre o St. Pauli y l'Osnabrück

O parque se fa servir ta realizar muitas actividaz esportivas. Mientres tot l'anyo bi ha personas que i van ta correr, pero ye d'hibierno cuan o tozal sobre o que se troba o parque se converte en un puesto prou popular ta esbarizar-se con trineos por a nieu. En a parte noroccidental d'o parque se pueden trobar tamién pistas ta chugar a bolos y petanca que s'emplegan a-saber-lo en todas as estacions de l'anyo. D'atra man tamién bi ha un campo de hierba artificial en a zona occidental a on se troba a seu d'o club esportivo SC Sternschanze.

En o sector este se situa o estadio d'o Sportvereinigung der Polizei von 1920 e.V. Iste terreno de chuego, que incluye a mas a caseta d'o club y que conta con pista d'atletismo y focos d'iluminación, lo fan servir tamién ta chugar o Verein für Leibesübungen Hammonia von 1922 e.V. y como campo d'entrenamiento o FC St. Pauli (fueras d'o primer equipo). Chunto a o campo de hierba natural s'ubrió en 2008 atro campo mas de hierba artificial.

Schanzenturm

Schanzenturm

O parque se troba arredol d'un tozal (de 28 metros d'altaria sobre o ran d'a mar) y dencima d'iste ye a que yera a torre d'augua mas gran d'Europa, a Schanzenturm. Se tracta d'una edificación d'arquitectura industrial construita entre 1907 y 1910 por a Hamburger Wasserwerke (HWW, a Empresa d'Auguas d'Hamburgo) y disenyata por l'arquitecto Wilhelm Schwarz. A torre, que s'emplegó dica 1961, tien una altaria de 57,5 metros y a suya planta octogonal tien un diametro de 32 metros. Ye un d'os simbolos de Schanzenviertel. Entre os anyos 2004 y 2007 se convirtió en un hotel de cuatre estrelas d'a cadena hotelera Mövenpick, feito que prevocó as protestas populars contra a a conversión d'o parque en un "centro de convencions". En un pleito ubierto por o Tribunal Administrativo d'Hamburgo se determinó, que o permiso de construcción que o districto d'Eimsbüttel dió o 27 d'aviento de 1996 a l'Hotel yera "obchectivament ilegal".

Localización y transportes

Dentrada a o Sternschanzenpark dende a gara U-Bahn Schlump

Debito a una decisión presa con mayoría absoluta por o CDU en o Parlamento d'Hamburgo o 6 de marzo de 2006, l'aria de Sternschanzenpark pasó l'1 de marzo de 2008 d'o barrio de Rotherbaum en o districto d'Eimsbüttel, a formar un nuevo barrio dito Sternschanze situato en o districto d'Altona.

O Sternschanzenpark muga por o nord-este con l'Altonaer Straße. Por o sud se troba a linia de ferrocarril Hamburgo-Altona, que une actualment a gara d'Hamburgo-Altona, a on salen d'a ciudat os trens con dirección a o norte, con a gara central d'Hamburgo, estando una d'as vias ferroviarias con mas trafico d'Alemanya.

Actualment bi ha cuatre vías de tren, por as dos situatas mas a o norte pasan as linias S11, S21 y S31 d'o S-Bahn, mientres que por as dos situatas en o sud circulan trens de larga distancia y mercaderías. En iste punto se troba a gara de Sternschanze que da servicio a o S-Bahn y l'U-Bahn. A salida d'o U-Bahn y a salida oriental d'o S-Bahn dan directament a o parque.

L'U-Bahn trescruza o parque por debaixo en dirección norte-sud. Amás d'a gara prencipal bi ha un atra mas situata chunto a o parque, a gara de Schlump.

O parque ye rodiato por as carreras Schröderstiftstraße, Kleinen Schäferkamp, Schanzenstraße y Sternschanzenstraße.

Referencias

• Datos: Q2345940
• Multimedia: Sternschanzenpark / Q2345940