Steampunk

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Fotografía d'estetica steampunk.

O steampunk estió, en os suyos inicios, un subchenero literario naixiu dentro d'a sciencia ficción especulativa que surtió entre o decenio de 1980 a mans d'escritors conoixius por os suyos treballos cyberpunk. A día de hue, iste subchenero ha madurau dica convertir-se en un movimiento artistico y sociocultural y no nomás literario. O steampunk se desembolica en una ambientación an que a tecnolochía a vapor contina estando a predominant y por lo cheneral localizada en Inglaterra entre a epoca victoriana, an que no ye extranyo trobar elementos comuns d'a sciencia ficción u a fantesía.