Stargate

De Biquipedia
Ir a la navegación Ir a la búsqueda
Stargate.

Stargate ye una franquicia de sciencia ficción d'Estaus Unius encetada en 1994 con a cinta d'o mesmo nombre endrezada por Roland Emmerich.

A franquicia de Stargate se centra en a premisa d'un "Stargate", una portalada en forma d'aniello que permite o transporte rapido a atras puertas estelars ubicadas a distancias cosmicas. A historia prencipia quan se descubre un d'ixos dispositivos en a Tierra. A cinta de 1994 y a serie de televisión posterior amuestran cómo o dispositivo se mantiene baixo o control d'o gubierno d'os Estaus Unius, que lo usa pa levar a cabo misions interplanetarias marcando os milars de puertas estelars ubicadas en a galaxia, que son o legau d'una civilización antiga. As expedicions orichinalment teneban l'obchectivo d'adquirir recursos extremadament raros, nueva tecnolochía y detectar menazas; pero a ormino enfrontinan problemas scientificos y humanitarios y os dilemas d'interactuar con diferents sociedatz. Finalment, dioron como resultau una coalición unificada d'as Nacions Unitas pa emparar millor a necesidat constant de continar o programa pa esfender a Tierra d'os invasors alienichenas.

L'exito d'a cinta suposó que en zaguerías d'as anyadas 1990 s'empecipiasen a producir atros productos que comparten iste mesmo universo de ficción.[1] A lista completa ye a siguient:

  • Stargate (cinta).
  • Stargate SG-1. Se tracta d'una serie en a quala se recuperan beluns d'os personaches d'a cinta y que ha aconseguiu un récord en convertir-se en a serie de sciencia ficción con mas capitols gravaus succesivament (10 temporadas y 214 capitols).
  • Stargate Atlantis, derivada de l'anterior que en 2007 contaba con quatro temporadas.
  • Stargate: The Ark of Truth y Stargate: Continuum, dos cintas engueradas en 2008 en as qualas se concluye l'argumento d'a serie Stargate SG-1
  • Stargate Universe, una serie que tamién se troba en proceso de creyación
  • Varios videochuegos, libros y series d'animación.

Referencias[editar | modificar o codigo]