Segundo

Iste articlo ye sobre a unidat de tiempo. Ta atros usos se veiga segundo (desambigación).

O primer reloch atomico d'o mundo, 1955.

Un reloch atomico en 1997 en Alemanya.

O segundo (s) ye una unidat de tiempo y una d'as siet unidatz base d'o Sistema Internacional. Se define como a durada de 9.192.631.770 periodos de radiación correspondients a la transición entre dos nivels d'a estructura hiperfina d'o estato fundamental d'o cesio 133.

Historicament o segundo se definió com 1/86.400 d'un día solar meyo. En 1954 a 10ª Conferencia Cheneral de Pesos y Mesuras delegó en o Comité Internacional de Pesos y Mesuras a redefinió con más precisión d'a unidat de tiempo, en 1956 o Comité redefinió lo segundo en función de l'anyo tropico 1900, ya que a traslación d'a Tierra arredol d'o Sol ye más estable que a rotación. A definición fue ratificata en a 11ª CGPM d'o 1960. En 1967, en a 13ª CGPM establió a definición actual, basata en a estructura hiperfina d'o cesio 133.

Hue día tenemos d'una exactitut que plega dica o 14^eno decimal (10⁻¹⁴). A estabilidat y exactitut d'o tiempo atomico internacional (TAI) se basa en a utilización de reloches atomicos. Manimenos os resultatos d'os experimentos sobre as transicions atomicas a freqüencias opticas superiors a los 9 GHz d'a definición actual d'o segundo, indican que en un futuro proximo se podrá amillorar en diversos ordens de magnitut a precisión obtenita a partir de l'atomo de cesio.