Sciencias naturals
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
As Sciencias naturals son as sciencias que tienen por obchecto l'estudeo d'a naturaleza. As sciencias naturals estudean os aspectos fisicos, no pas humanos d'o mundo, que son obchecto d'estudeo d'as Sciencias humanas. O grupo d'as Sciencias naturals se distingue por un costau d'as Sciencias socials, y por atro, d'as artes y as humanidatz. As Sciencias naturals siguen o metodo scientifico y miran d'explicar o funcionamiento d'o mundo por procesos naturals más que no divinos. As Matematicas no son por ellas mesmas una sciencia natural, pero proporcionan muitos d'os metodos alazetals ta istas sciencias.
En atros contextos, o termino Sciencias naturals fa referencia a la Biolochía, y a l'estudeo d'os procesos biolochicos, distinguindo-se d'as Sciencias fisicas como a Quimica y a Fisica.