Sauna

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Sauna.

Una sauna (d'o finés sauna[1]) ye una cambra que se calienta entre 80 y 105 graus centigraus fendo servir un calentador de sauna. O banyo de vaporada en a sauna puede servir pa la salut y la relaxación. As saunas publicas gosan estar unidas a una piscina publica u un chimnasio y pueden combinar-se con atras instalacions.

Dende lo 17 d'aviento de 2020, a cultura d'a sauna finesa ye Patrimonio Cultural Inmaterial d'a UNESCO.

A sauna, que per un regular ye revestida de fusta per adintro, se calienta con un forno a una temperatura de l'aire entre 80 °C y 100 °C, mas rarament dica 130 °C. En cuenta d'estufas de lenya y aceite, hue en día se gosan instalar estufas electricas perque son mas sencillas y facils d'operar.

As cadieras son disposadas en dos u tres livels a una altaria de 0,5 m a 1,5 m, y la temperatura aumenta significativament a medida que se puya. A circulación de l'aire ye important en una sauna, per lo que se suministra de contino aire fresco, que a estufa calienta immediatament pa que la temperatura d'a cambra remaneixca constant.

A sauna tien efectos buenos sobre l'organismo, en liberar, per meyo de sudoración, que gosa estar abundant y rapida, toxinas y activar a circulación sanguinia. Siempre va acompanyada con contrastes de temperatura, a la sesión de calor le sigue una d'enfriamiento, que enampla os efectos d'a sudoración. Se prene con fins hichienicos y terapeuticos.

Referencias[editar | modificar o codigo]

  1. (en) sauna en merriam-webster.com