Saco embrional

De Biquipedia
Ir a la navegación Ir a la búsqueda
Saco embrional adintro d'a nucela de l'ovulo d'una anchiosperma.
Esquema d'un saco embrional con os nombres d'os nuclios y celulas en francés.

O saco embrional ye un gametofito feminín present adintro d'a nucela de l'ovulo d'as plantas con simient, estando diferent en as chimnospermas y as anchiospermas. En a nucela una sola célula sufre meiosi y orichina quatre celulas haploides ditas megasporas, d'as que unicament se'n desembolicará una por succesivas mitosis orichinando o saco embrional, dechenerando as atras tres megasporas.

En as chimnospermas o saco embrional presenta arquegonios con oosferas u ovocelulas haploides. En as anchiospermas ye més complexo y presenta una ovocelula haploide acompanyata de dos celulas sinerchidas, tres celulas antipodas haploides y dos nuclios polars que constituyen una unidat diploide, tot producto de tres mitosis succesivas a partir d'a megaspora que no dechenera. Este gametofito presenta estas estructuras para poder permitir a doble fecundación propia d'as anchiospermas, en a que una celula espermatica d'o tubo polinico fecunda a la ovocelula, pa orichinar o embrión y atra celula espermatica a los nuclios polars, pa orichinar endosperma.

Bibliografía[editar | editar código]

Aguilella, Antoni y Puche, Felisa. Diccionari de botanica. Colecció: Educació (sèrie materials). Publicacions d'a Universitat de Valencia, 2004. ISBN 9788437059150.