Roscadero

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Esquema de a forma d'un roscadero.

Un roscadero (d'o celta < *rusca) ye un tipo de capazo de grans dimensions u canasta, de bels 70 cm d'alto y tanto u mas d'amplo en a boca, que sirve ta transportar a ferraina con a cual s'alimenta a bels animals herbivoros domesticos, tot fendo-le la rosca a dintro de forma que s'aproveita millor a suya capacidat.

Anque puede fer-se servir ta transportar a pastura de cualsiquier tipo d'herbivoro, ye especialment pensau ta mover a d'as vacas.

Forma

Os roscaderos tienen una forma peculiar, pus por cuenta d'estar cilindricos como a mayoría de canastas y banastos, tienen a boca d'embudo, mas ampla que o cuerpo (a sobén con un diametro que puede estar o doble que o cuerpo), y una cabeza que se va estretindo en forma de cono dica arribar a o cuerpo y o culo, que ya forman un cilindro convencional.

Ista forma tiene una doble función: en primeras, permite que a hierba s'«enrosque», que ixo ye, que se faiga pasar t'adintro presionando-la manualment mientres se le fa vueltas, o que fa que quede comprimida y en caba mas. A segunda función ye facilitar que os animals, especialment os bovins (vacas, toros y bueis) i puedan meter a cabeza con comodidat sin vulcar o recipient, de forma que tamién puede emplegar-se como minchadero.

Se veiga tamién

• Canasta.
• Banasto.