Ir al contenido

Rinitis

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Una muller con rinitis.

A rinitis ye la irritación y inflamación d'a membrana mucosa de l'interior d'o naso. Os simptomas comuns son conchestión nasal, secreción nasal, estarnudadera y goteyo posnasal.

A inflamación ye causada per virus, bacterias, irritants u alerchenos. A mena mas comuna de rinitis ye la rinitis alerchica, que per un regular ye provocada per alerchenos transportaus per l'aire, como lo polen y la mellasca.[1] A rinitis alerchica puede causar simptomas adicionals, como estarnudadera y picor nasal, tos, dolor de tozuelo, fatiga, malagana cheneral y piora cognitiva.[2] Os alerchenos tamién pueden afectar os uellos, causando uellos plorosos (u enrasaus), enroyius u con picor y infladura arredol d'os uellos. A inflamación da como resultau la cheneración de grans cantidaz de morgallo, lo que comunament produz secreción nasal, asinas como conchestión nasal y goteyo posnasal. En o caso d'a rinitis alerchica, a inflamación se produz per a desgranulación d'os mastocitos en o naso. Cuan os mastocitos se desgranulan, liberan histamina y atras substancias quimicas, encomenzando un proceso inflamatorio que puede causar simptomas difuera d'o naso, como fatiga y malagana cheneral. En o caso d'a rinitis infecciosa, en ocasions puede dar puesto a una pneumonía, ya sía viral u bacteriana. Os estarnudos tamién se producen en a rinitis infecciosa pa forachitar bacterias y virus d'as vías respiratorias.

A rinitis ye muit comuna. A rinitis alerchica ye mas comuna en cualques países que en atros; en os Estaus Unius, alto u baixo d'o 10 a 30 % d'os adultos se veyen afectaus anyalment. A rinitis mixta se refiere a pacients con rinitis no alerchica y rinitis alerchica. A rinitis mixta ye un subtipo especifico de rinitis. Puede representar entre lo 50 y lo 70 % de toz os pacients con rinitis. Manimenos, encara no s'ha confirmau la verdadera prevalencia d'a rinitis mixta.[3]

Referencias[editar | modificar o codigo]

  1. (en) Settipane RA (2003). "Rhinitis: a dose of epidemiological reality". Allergy Asthma Proc. 24 (3): 147–54. PMID 12866316.
  2. (en) Marshall PS, O'Hara C, Steinberg P (April 2000). "Effects of seasonal allergic rhinitis on selected cognitive abilities". Annals of Allergy, Asthma & Immunology. 84 (4): 403–10.
  3. (en) Bernstein, Jonathan A. (September 2010). "Allergic and mixed rhinitis: Epidemiology and natural history". Allergy and Asthma Proceedings. 31 (5): 365–369. doi:10.2500/aap.2010.31.3380. ISSN 1539-6304