Respiración cutania

De Biquipedia
Ir a la navegación Ir a la búsqueda

La respiración cutania se fa a traviés de tota la superficie corporal, en lo caso de los amfibios a traviés de la pelleta. Se puet entender como una continación de la respiración de difusión simpla propia de metazous marins sin aparatos respiratorios ni circulatorios, pero quan se parla de respiración cutania se fa referencia a la respiración d'animals de tierra firme en los que l'aparato circulatorio colabora en lo transporte gasioso dende la pelleta dica tot lo cuerpo.

Si la respiración por difusión simpla ye efectiva en metazous con 1 mm de diametro u la superficie corporal relativament gran en relación a lo volumen corporal en los que las distancias que ha de recorrer los gases son curtas, a mesura que aumenta la mida de los animals la difusión simpla se desviene poco efectiva y cal un aparato circulario pa distribuir los gases.[1]

La respiración cutania se presenta tipicament en los anelidos oligoquetos y en los amfibios. En los amfibios la respiración cutania sola no sería prou porque son animals masiau grans, y se complementa con la respiración pulmonar. Tamién bi ha respiración cutania en bells peixes como las anguilas, u en bells quelonios.[2].

Pa que la pelleta pueda respirar cal que siga humida. En oligoquetos y amfibios bi ha glandulas que secretan un mucus que mantiene humida la pelleta y permite que l'oxichén se disuelva y pase a los vasos sanguinios por difusión a traviés de la paret corporal.

Referencias[editar | editar código]

  1. Natividad Ferrer Marí, Miguel Gracia Vicente, Manuel Medina Martínez Bachillerato. Biología y Geología Bruño, 2008.
  2. C.P.J.Hickman Principios Integrales De Zoologia - 10ª Ed. McGraw-Hill. 1998.

Bibliografía[editar | editar código]