Reforma protestant

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

As 95 tesis de Martín Lutero.

Se conoixe como Reforma protestant y a vegatas simplament como A Reforma a una serie de movimientos relichiosos que amaneixioron en o sieglo XVI, con a intención de renovar a Ilesia Catolica en a Europa Occidental. O prencipio d'a Reforma Protestant estió a publicación d'as 95 tesis de Martín Lutero. Encara que a intinción yera nomás prevocar una cambio en a Ilesia, se desvinió que os movimientos se deseparoron como grupos reformistas y s'establioron nuevas institucions, prencipalment, o luteranismo, o calvinismo y l'anabaptismo.

Caracteristicas d'o pensamiento protestant

As caracteristicas chenerals d'as ilesias protestants son:

• a negación de l'autoridat d'o Papa.
• una mayor importancia d'a Biblia, y con a imprenta en traducioron y multiplicoron os eixemplars.
• nomás Cristo ye o meyador entre Dios y a chent, ixo cambeya radicalment o papel d'os mosens.
• No creyen en os metodos catolicos ta obtener a salvación: intercesión d'os santos y indulchencias.
• negación de bel sacramento.

Dentro d'as ilesias protestants destacan os luteranos, os anabaptistas, os calvinistas y mas tardi os anglicanos.

Vinclos externos

• Se veigan as imáchens de Commons sobre a Reforma Protestant.