Rafael Ibáñez de Ibáñez
|
Ista pachina ha menester d'una revisión por un corrector ta amillorar a suya ortografía, a suya gramatica u o suyo vocabulario. |
 |
| Rafael Ibáñez de Ibáñez | |
|---|---|
| 24 d'octubre de 1796 - octubre de 1839 | |
| Información personal | |
| Embotada | |
| Puesto de naixencia |  Fuentes Claras (Xiloca, Teruel, Aragón)
|
| Puesto de muerte | Cantaviella u Mirambel (Mayestrato, Aragón)
|
| Información militar | |
| Leyaltat |  Carlismo
|
| Anyos de servicio | 1833-1839 |
| Rango | Teniente coronel o Cheneral |
| Mandos | |
| Unidat | |
| Batallas/guerras | Primera Guerra Carlista |
| Premios | |
| Atras funcions | |
Rafael Ibáñez de Ibáñez (Fuents Claras, Aragón, 24 d'octubre de 1796 – Cantaviella u Mirambel, Aragón, octubre de 1839) estió un facendau y militar d'a Primera Guerra Carlista.[1] Perteneixeba a lo linaje y casa d'os marqueses d'a Canyada. Estió nieto de José Ibáñez y Gassia y fillo de Mariano de Ibáñez Cuevas y Rubio, tamién facendaus de Fuents Claras.
Ingresó en o Real Seminario de Nobles de Madrid en 1808, de conchunta con o suyo chirmán Mariano. Dimpués fació corrida en os Reals exercitos espanyols: en 1829 yera segundo comandante d'o batallón de Calamocha[2] y en 1832 primer comandante d'o batallón de Daroca.[1][3]
En feneixer Ferrando VII en 1833 estalló la Primera Guerra Carlista y Ibáñez s'alzo como un d'os primers cabecillas d'o bando carlista, partidarios d'o pretendiente Carlos Maria Isidro de Borbón, que en a Provincia de Teruel obtenió mayors simpatías en os enclaves rurals mientres en os nuclios urbans mayors predominaban los isabelinos, partidarios d'a filla d'o monarca feneixiu, Isabel II. D'este modo Ibáñez estió un d'os prencipals cabecillas d'o carlismo en a rechión, participando en diferents partidas que actuoron entre los anyos de guerra y endrezando como alto mando diversas accions. Seguntes fuents, plegó a estar Tenient coronel u mesmo Cheneral.[1] Per la suya ubicación cheografica, Ibáñez estió a las órdens d'o chefe militar en Catalunya, Valencia y Aragón: lo cheneral Ramón Cabrera y tamién formó parte d'a Chunta Superior Gubernativa d'Aragón, Valencia y Murcia, con siede en Mirambel, ente politico y administrativo creau en 1837.[1]
Dimpués d'o Abrazo de Vergara d'o 31 d'agosto de 1839, en que los exercitos carlistas d'o País Basco y Navarra deponían las armas, las fuerzas de Valencia, Cataluña y Aragón prosiguieron la luita. La Chunta Superior Gubernativa publicó un manifiesto reafirmando esta intención, sinyau en Mirambel lo 14 de setiembre de 1839, entre que los suyos miembros yera Rafael Ibáñez.[1][4]
Poco dimpués, lo cheneral Cabrera convocó en Cantavieja a lo suyo estau militar pa votar cómo continar la guerra: continar luitando, pactar con o bando rival u rendirse. Ibáñez votó esto zaguer, lo que disgustó a Cabrera y fació aflorar supuestas prebas de espionaje d'Ibáñez pa l'enemigo y de mantener contactos con o cheneral Cabañero, un d'os mandos carlistas que heba cambiau de bando a resultas d'o Abrazo de Vergara.[1] Estasen reals u no ditas acusacions, Cabrera ordenó la execución d'Ibáñez y atros seis mandos, acusaus de mantener correspondencia con lo cheneral Juan Cabañero, lo que podió succeder en Cantavieja u Mirambel enta octubre de 1839.[5][6][7] Amás lo castigo se fació extensible a la suya familia y una partida plegó dica Fuents Claras, asaltando la suya casa solariega (la Casa Gran) y requisando tot ixo de valor que poseyeba la familia Ibáñez.[1]
Dada la suya condición (enemigo d'os isabelinos y represaliado per los carlistas), la figura de Rafael Ibáñez estió ixuplidada entre decenios, salvando-se a traviés d'a memoria oral y cualques referencias puntuals en fuents escritas.
Bibliografía[editar | modificar o codigo]
- (es) AA.VV. (1829): Estado que da à S. M. la Ynspeccion general de Voluntarios Realistas del Reino de la fuerza total de esta arma y nombres de sus Gefes, en 30 de abril de 1829. Madrid: Imprenta de Collado [1]
- (es) AA.VV. (1833): Estado Militar de España: año de 1833. Madrid: Imprenta Real [2]
- (es) Córdoba y Miguel, Buenaventura (1845): Vida militar y política de Cabrera. Redactada por Buenaventura de Córdoba. Vol. IV. Madrid: Imprenta y Fundición de Eusebio Aguado [3]
Referencias[editar | modificar o codigo]
- ↑ 1,0 1,1 1,2 1,3 1,4 1,5 1,6 (es) Rafael Ibáñez, el carlista olvidado El Periódico de Aragón, 29 d'octubre de 2023
- ↑ 'Cuarta brigada. Partidos de Teruel, Daroca y Albarracín'. Estado que da à S. M. la Ynspeccion general de Voluntarios Realistas del Reino de la fuerza total de esta arma y nombres de sus Gefes, en 30 de abril de 1829 (1829), pách. 63. Madrid: Imprenta de Collado
- ↑ (es) 'Cuarta brigada. Partidos de Teruel, Daroca y Albarracín'. Estado Militar de España: año de 1833 (1833), pách. 144. Madrid: Imprenta Real
- ↑ (es) 'Nota 25, pág. 140'. Vida militar y política de Cabrera. Redactada por Buenaventura de Córdoba. Buenaventura de Córdoba y Miguel (1845), vol. IV, pách. 486-487. Imprenta y Fundición de Eusebio Aguado
- ↑ (es) 'Dicen de Aragón...' El Eco del Comercio (Madrid). 20 d'octubre de 1839, pách. 5
- ↑ (es) 'Dicen de Aragón...' La Legalidad (Madrid). 21 d'octubre de 1839, pách. 2
- ↑ (es) 'Se dice que Cabrera...' El Guardia Nacional (Barcelona). 31 d'octubre de 1839, pách. 4