Quarz citrín
| Quarz citrín | ||
|---|---|---|
| ||
| Categoría: | Silicatos | |
| Clase: | Tectosilicatos | |
| Formula quimica: | SiO2 | |
| Color: | Amariello. | |
| Raya: | Blanca. | |
| Lustre: | Vitrio. | |
| Transparencia: | Translucido a transparent | |
| Sistema cristalín: | Trigonal | |
| Trencadura: | Concoidal | |
| Dureza: | 7 | |
| Densidat: | 2,65 g/cm³ | |
| Punto de fusión: | 1650±75 ºC | |
O quarz citrín u simplament citrín ye una variedat d'o quarz, mineral d'o grupo d'os tectosilicatos. A suya color ye amariella por chicotas cantidatz de fierro (Fe+3). A denominación de citrín fa referencia a que ye amariello como o limón.
O quarz citrín natural ye escaso. A mayor part d'o quarz citrín que se comercializa ye artificial y s'ha feito torrando amatista u quarzo afumato. A 470 °C l'amatista brasilera se torna amariella-clara, y a 550 °C-560 °C son de color marrona escura a parda royenca. Totz os citrins torratos tienden a estar royencos. Os citrins naturals son amariellos-mate.
Os millors chacimientos actuals son de Brasil y Madagascar. Antes més as millors piedras proveniban de Salamanca y Cordoba. A vegatas o citrín se comercializa baixo denominacions poco exactas (topacio de Bahía, topacio de oro, topacio de Madeira, topacio de Palmeira, topacio de Río Grande, falso topacio, como o famoso falso topacio de Hinojosa de Duero).
Torrando os quarzos violeta y amariellos de Montezuma (Minas Gerais, Brasil), s'obtien a 500 °C un quarz verde, a prasolita.
Bibliografía[editar | modificar o codigo]
- Medenbach, Olaf y Sussieck-Fornefeld, Cornelia, Minerales. Guías de la naturaleza Blume, 1990.
Vinclos externos[editar | modificar o codigo]
Se veigan as imachens de Commons sobre o quarz citrín.
