Propagación vechetativa

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Os estolons d'a «cinta» (Chlorophytum comosum) son una forma de multiplicación vechetativa que se puede veyer a sobén en as casas.

En Biolochía, recibe o nombre de multiplicación vechetativa u propagación vechetativa o creiximiento d'a población d'un organismo sin incremento d'o numero d'individos, o que se consigue por propagación de pietz d'un mesmo individo chenetico. Se considera una forma de reproducción asexual, y no totz os organismos a pueden fer.

O termino fue acunyau orichinalment en o campo d'a Botanica. Manimenos, con l'avance d'atras especialidatz d'a Biolochía, como a Microbiolochía y a Micolochía, s'ha emplegau tamién con organismos no vechetals.

L'Hombre ha emplegau diferents tecnicas de propagación vechetativa de plantas d'interés economico dende o Neolitico, anque sin dar-les ixe nombre. En realidat, son formas de propagación vechetativa la plantada d'esqueixes, estolons y a división de rizomas de plantas, pus dan lugar a plantas cheneticament identicas a la suya prochenitera. A siembra de bulbos y tuberclos tamién son formas de propagación vechetativa.

Se veiga tamién

• Reproducción asexual
  • Mitospora
• Reproducción sexual
  • Meiospora u espora.