Privilechio de manifestación

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O Privilechio de manifestación yera un privilechio exercito por o Chusticia d'Aragón ta intervenir en os tribunals y oficials reyals.

O proceso prencipiaba cuan un acusau alegaba inchusticia por parti d'os oficials reyals u consideraba menazada a suya integridat fisica y, por tanto, demandaba a protección d'o Chusticia d'Aragón. Isto levaba a la investigación d'o caso por chudeces competents y l'acusau pasaba a estar baixo a protección d'o Chusticia d'Aragón. Iste privilechio permitiba a l'acusau poder obtener immunidat respecto a o poder reyal, a o menos mientres as suyas alegacions s'investigaban.

Famoso estió o caso d'Antonio Pérez mientres o reinau de Felipe I d'Aragón, que demandó ista protección d'o Chusticia y debant d'os intentos reyals de chuzgar-lo por meyo d'a Inquisición -tribunal contra o que o Chusticia no teneba garra poder- a situación derivó enta una revuelta conoixida con o nombre d'Alteracions de 1591, que remató con l'achusticiamiento d'os liders constitucionalistas aragoneses y a supresión d'o poder competencial tanto d'o Chusticia d'Aragón como d'a Cheneralidat d'Aragón.

Se veiga tamién

• Chusticia d'Aragón
• Cheneralitat d'Aragón
• Alteracions de 1591

• Datos: Q9062922