Polifilia (filochenetica)

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Os animals de sangre calient (aus y mamiferos) formarían de conchunta un grupo polifiletico.

En Filochenia, a polifilia (d'o griego "muitos linaches") ye a qualidat d'un grupo d'organismos u taxon que no incluye a l'antipasau común más recient d'os suyos miembros. Ixo ye, que se tracta d'una unión artificial de ramas dispersas de l'árbol evolutivo. L'adchectivo que describe un grupo con polifilia ye polifiletico.

Qualques eixemplos de grupos polifileticos son as algas, os esporozous y os ungulaus. Os grupos polifileticos son refusaus universalment en as clasificacions modernas, anque por inercia se'n sigue emplegando eixemplos en as obras divulgativas y mesmo en libros de texto.

A descripción de grupos polifileticos en o pasau se debió a errors d'interpretación en o parentesco. S'explican, que no se chuistifican pas, por a presencia de caracters comuns adquiestos de manera independient, como conseqüencia de fenomenos como a converchencia evolutiva u o paralelismo.

Se veiga tamién

• Monofilia (filochenetica).
• Parafilia (filochenetica).
• Cladistica.
• Filochenia.
• Homoplasia.