Pico petrolero

De Biquipedia
Ir a la navegación Ir a la búsqueda
Previsión d'o Govern d'os Estatos Unitos de l'anyo 2004 d'a producción de petrolio difuera d'os países d'a OPEP y de l'antiga Unión Sovietica.

O pico petrolero ye o momento en o que s'aconsigue a taxa maxima d'extracción de petrolio global y dimpués d'o qual a taxa de producción dentra en un declive terminal.

O concepto se basa en as taxas de producción observadas en pozos petrolers individuals y en a taxa de producción combinada d'un sistema de pozos petrolers relacionaus. Seguntes iste concepto, a taxa de producción adhibida d'un chacimiento petrolifero creixe exponencialment a lo largo d'o tiempo dica que plega a o dito pico petrolero, momento dimpués d'o qual declina —qualques vegadas rapidament— dica plegar a o escamallo.

Iste concepto se deriva d'a curva de Hubbert y s'ha contrimostrau que ye aplicable tanto a la taxa de producción domestica d'una nación determinada como a la taxa de producción petrolera global. A ormino se trafuca o pico de petrolio con o escamallo d'o petrolio. En realidat, o pico de petrolio ye o punto de maxima producción, mientres que o escamallo corresponde a o periodo de caitas de las reservas y os suministros.

M. King Hubbert creyó y usó por primera vegada os modelos subchacents a o pico petrolero en 1956 ta predecir de traza precisa que a producción petrolera d'os Estaus Unius tendría o suyo pico entre 1965 y 1970. O suyo modelo lochistico, actualment denominau Teoría d'o pico de Hubbert, y as suyas variants han descrito con razonable precisión o pico y o declive d'a producción d'os pozos petrolifers, chacimientos petrolifers en diferents rechions y países.

Asinasmesmo, ha prebau d'estar útil ta atros ambitos de producción de recursos limitaus. Seguntes o modelo Hubbert, a taxa de producción d'un recurso limitau seguirá simetricament una curva en forma de campana basada en os limites d'a espleitabilidat y d'as presions d'o mercau. Quantas versions modificadas d'o suyo modelo lochistico orichinal son utilizadas, usando funcions mas complexas ta permitir factors d'o mundo real. Mientres que cada versión ye aplicada a un campo especifico, as caracteristicas centrals d'a curva de Hubbert (que a producción deixa de creixer, s'aplana y dimpués declina) remaneix invariable, encara que con diferents perfils.

Si os cambios politicos y economicos nomás ocurren como reacción a os altos pres y a escasez mas que como conseqüencia de la menaza d'un pico, alavez o grau d'o danyo economico ta os países importadors dependerá en gran mida de quan rapidament disminuyan as importacions de petrolio posteriorment a o pico. Seguntes o modelo Export-Land, as exportacions petroleras cayen muito mas rapidament que a producción a causa que o consumo domestico s'incrementa en os países exportadors ta fornir-se internament, dica anular as exportacions en qualques casos. Os deficits de reservas causarían una inflación extrema, de no estar que la demanda sía mitigada con midas planificadas de conservación y l'uso d'enerchías alternativas.

As estimacions optimistas d'a producción pico pronostican que o declive global prencipiará en 2020 u dimpués y suposan que antes que plegue a crisi i habrá importants inversions en combustibles alternativos, sin que sían necesario grans cambios en o estilo de vida d'as nacions mas consumidoras de petrolio. Istos modelos amuestran en un inicio o pre d'o petrolio puyando, ta dimpués ir-se-ne retrayendo a la vegada que atros tipos de combustibles y fuents d'enerchía sían utilizaus.

Por unatra parte l'Achencia Internacional d'a Enerchía (AIE) fació publico en noviembre de 2010 que a producción de petrolio crudo plegó a o suyo maximo en 2006. As prediccions pesimistas d'o futuro d'a producción petrolera, emparadas por l'informe citau alto, mantienen a tesi que o pico ya ha estau aconseguiu, u bien somos en a cima d'o pico u que ocurrirá bien luego.

En tals casos, como a mitigación proactiva ya no será una opción, predicen una recesión global que, talment, mesmo enciete una reacción en cadena de quantos mecanismos de respuesta en o mercau global, o que podría estimular un colapso d'a civilización global industrializada, levando potencialment a grans caitas demograficas en un periodo curto de tiempo. A lo largo d'a primera metat de l'anyo 2008, i habió sinyals que una posible recesión en Estaus Unius yera estando empiorada por una serie de récords en o pre d'o petrolio.

Enlaces externos[editar | editar código]