Pedro Lobera Díaz
| Pedro Lobera Díaz | |
|---|---|
| 15 de chulio de 2003 – 20 de chunio de 2007 | |
| Naiximiento | 20 de chunio de 1968 Zaragoza (Aragón)
|
| Partiu | Chunta Aragonesista |
| Profesión | Mecanico |
Pedro Lobera Díaz (Zaragoza, 20 de chunio de 1968) ye un politico y sindicalista aragonés.
Biografía
[editar | modificar o codigo]Estió deputau en as Corz d'Aragón en a VI lechislatura en substitución de José Antonio Acero Gil. Ye mecanico de mantenimiento de maquinaria textil y quimica y tien estudios de pneumatica, hidraulica, electricidat y mecanica. Ha estau coordinador d'a Colla de Gais y Lesbianas y secretario sectorial d'asuntos economicos, empleo y turismo d'o Consello Nacional de Chunta Aragonesista.
En 2004 estió l'unico miembro d'a executiva de CHA que votó en contra d'a expulsión de Chobenalla Aragonesista d'o partiu[1], estando representant de Puyalón, que ta par d'alavez yera una corrient critica adintro de CHA y que dimpués s'escindiría tamién d'iste partiu. Amás Lobera decidió renunciar a o suyo puesto en o Consello Nacional de CHA, encara que remató a lechislatura como deputau en as Corz con iste partiu.
Referencias
[editar | modificar o codigo]- ↑ (es) CHA niega que la salida de Lobera de la ejecutiva suponga una crisis. Aragón Digital, 17 d'aviento de 2004
Vinclos externos
[editar | modificar o codigo]- (es) Ficha en a web d'as Corz d'Aragón.
- (es) Artíclos de Pedro Lobera en AraInfo