Patolochía

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
O microscopio optico ye la ferramienta mas important d'o patologo.

A patolochía[1] (d'o griego antigo πάθος (pathos) "sufrienza", y λογία (lochia) "estudio") ye la branca d'a medicina y la biolochía encargada de l'estudio d'as malotías. De forma mas especifica, ista disciplina s'encarga de l'estudio d'os cambeos estructurals bioquimicos y funcionals que subchacen a la malotía en celulas, teixius y organos. A patolochía fa servir ferramientas moleculars, microbiolochicas, immunolochicas y morfolochicas pa tractar d'explicar a etiolochía y manifestacions clinicas (sinyal y simptoma) que presentan os pacients, a lo mesmo tiempo que proposa bases racionals pa lo tractamiento y profilaxi. Gosa considerar-se como lo vinclo entre as ciencias basicas y as ciencias clinicas.

Per convención, a patolochía gosa trestallar-se pa lo suyo estudio en dos grans brancas: a patolochía cheneral, que s'ocupa d'as reaccions d'as celulas y teixius frent a estimulos anormals y defectos cheneticos; y la patolochía sistemica, que analisa as alteracions d'organos y teixius especializaus.

Bibliografía[editar | modificar o codigo]

  • (de) W. Böcker, Helmut Denk, Philipp Ulrich Heitz: Pathologie. Mit 164 Tabellen. Elsevier, Urban und Fischer, München/Jena 2004, ISBN 3-437-42381-9.
  • (en) Robbins & Cotran Pathologic Basis of Disease. Kumar, Fausto, Abbas. Seventh Edition (2004) ISBN 0-7216-0187-1.

Referencias[editar | modificar o codigo]