Plataforma Lochistica de Zaragoza

De Biquipedia
(Reendrezato dende PLAZA)
Ir a la navegación Ir a la búsqueda
Logo de PLAZA

A Plataforma Lochistica de Zaragoza (PLAZA) ye un centro lochistico situato en Zaragoza (Aragón). Con una superficie de 12.826.898 m² ye o mayor centro de lochistica de tota Europa. PLAZA ye un centro intermodal de transportes que poseye conexión por avión, tren y carretera.

Fue creyato por iniciativa d'o Gubierno d'Aragón, o Concello de Zaragoza, Ibercaja y CAI.

Antiparte de l'aria ta interpresas bi ha 2.192.987 m² de zonas verdas y atros 442.402 m² d'aria comercial. Cheograficament PLAZA muga a lo norte con a Canal Imperial d'Aragón, a l'ueste con l'Aeropuerto de Zaragoza, a l'este con o Quatreno Centurón y a lo sud y a lo sudeste con l'autovía A-2 y a línia ferroviaria d'Alta Velocidat.