Onda Vorde

De Biquipedia
Onda Vorde
Logo ondavorde.jpg
Aria de radiodifusión Bandera de Zaragoza.svg Zaragoza
Freqüencia 102.8
Primera emisión 1986
Zaguera emisión 10 de febrero de 1989
Formato FM
Idioma Castellán
Afiliación Radio Libre

Onda Vorde fue una emisora de radio libre de Zaragoza (Aragón).

Historia[editar | modificar o codigo]

Onda Vorde naixe d'a Casa de Choventut d'o Casco Viello de Zaragoza como conseqüencia d'uns tallers de radio. Se'n fación dos, o primer entre o 25 de chunio y 25 de chulio de 1986, a l'arreu un segundo permanent, que fue l'empentón menester ta creyar Onda Vorde por as seis personas que participón en o primer curset y que se feban clamar Los Inestables.

A emisora prencipió emitindo os cabos de semana, con l'obchectivo d'estar una radio de barrio que funcionase de traza asambleyaria y dependencia economica d'a Casa de Choventut.

Bells problemas internos fan que a radio deixe d'estar ligada a la Casa de Choventut. A escape logan una viella falsa d'o Casco Viello y prencipian a emitir nuevos programas, con parti de l'equipe amprau por a Casa de Choventut, a qui pagan una fianza.

Primer asambleya[editar | modificar o codigo]

En a primer asambleya organizadera d'a radio totz os programas tienen voto y ye ubierta ta totz ells. Onda Vorde se i definió como Radio Libre y alternativa.

Ta par d'alavez, tot o material d'a Casa de Choventut ya yera estau tornau.

Consolidación[editar | modificar o codigo]

Con decisiet programas estables y as suyas conductas mensuals se financia a emisora. Ye un periodo de gran actividat: se fan apegallos y propaganda, se participa en trobadas con atras radios libres, s'enceta o contacto con a Coordinadera de Radios Libres de Zaragoza, s'emiten as 56 Horas Ateas y, mesmo con enchaquia d'a Cincomarzada, se mete una unidat móbil en o Parque d'o Tío Jorge, yera a primer vegada que una Radio Libre teneba unidat d'ista mena en Zaragoza.

Toda ista actividat amana a nuevos programas t'a radio, plegando a tener-ne mas de trenta. Pero muita d'ista nueva chent que bi dentra lo fa sin conoixer o funcionamiento asambleyario d'a radio, sin compartir as fins d'o prochecto u sin un compromís minimo como ta pagar as conductas mensuals, lo que fa esclatar graus problemas internos.

Fuella con a programación d'Onda Vorde

Problemas y tranque[editar | modificar o codigo]

A crisi d'Onda Vorde plega a la suya fin en 1988 con o tranque d'a emisora. A la grau situación interna s'adhibiban as queixas que heba recibidas o duenyo d'a falsa y que quereba fer fuera a la radio, por lo que se prenió a decision de trancar Onda Vorde.

Segunda etapa[editar | modificar o codigo]

En chenero de 1989 tornan as emisions, ista vegada dende un piso d'a carrera Rincón.

A las 23 horas d'o 10 de febrero d'ixa mesma anyada, quan tasament levaban un mes d'emisión d'ista segunda etapa, una casualidat levó a la Unidad de Vigilancia Especial (UVE) a trobar os estudeos d'Onda Vorde. Encara que no bi heba garra proceso sancionador ubierto ni denuncia, a radio fue desmantelada y toda la chent que se i trobaba detenida.

Bells días dimpués tamién estión detenidas as personas que apegaban cartels de protesta. Protestas que plegón mesmo en o pleno d'o Concello de Zaragoza y en bells medios de comunicación, pero a tamás d'a ilegalidat d'o tranque l'equipe d'o soniu nunca no fue recuperau y estió a fin d'Onda Vorde.

Radio Topo, Radio Libre que encara emite en l'actualidat, puede considerar-se heredera d'Onda Vorde

Se veiga tamién[editar | modificar o codigo]

Vinclos externos[editar | modificar o codigo]