Onagre (catapulta)

Esta plana tracta sobre l'onagre que ye un arma de seches. Ta veyer l'animal equino salvache d'Asia, se veiga onagre.

L'onagre^[1] (d'o latín onager y este d'o griego ὄναγρος) ye una arma de seches d'o tipo d'as catapultas, con mecanismo de torsión. O nombre onagre fa referencia ta o somer salvache asiatico que se diz asinas, y ye conoixito perque puet arrullar un hombre bien luent cuan lo calceya, igual que l'arma arrulla las piedras.

A primera referencia la fayó l'autor griego Filón arredol de l'anyo 200 aC. No se n'ha consevato garra descripción de cómo yera y cómo funcionaba antes d'o sieglo IV, tiempo en o cual se fayó mes popular. Ta part d'alavez, historiadors romanos como Vegetio e Amiano Marcelino. Desapareixió entre os aparellos emplegatos en os seches a partir d'o sieglo V, con as invasions barbaras d'o norte d'Europa, anque se recuperó a partir d'o sieglo XIII, evolucionando alavez ta un arma de mes gran calibre e potencia.