O Chuego

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O Chuego (The Game en anglés) ye un chuego mental a on l'obchectivo ye d'evitar de pensar en O Chuego mesmo. Pensar-ie anuncia una redota que, seguntes as reglas d' O Chuego, cal anunciar a los atros chugadors cada vegada que s'escayece. Ye imposible de ganar en a mayoría d'as versions d' O Chuego; os chugadors només pueden que intentar de no perder en o mayor tiempo posible. O Chuego ha estato clasificato como absurdo y exasperant pero tamién como provocador y agradable de chugar. Dende 2010, millons de personas bi chugan arredol d'o mundo, anque en teoría, tot o mundo en ye chugando.

Reglas[editar | modificar o codigo]

Bi ha tres reglas prencipals d' O Chuego:

  1. Totas as personas d'o mundo son chugando a O Chuego (a vegadas alcorzato a: "cualsiquier persona en o mundo que conoixca la existencia d' O Chuego en ye chugando" u, alternativament, "perén yes chugando a O Chuego"). Una vegada que lo conoixes, no en puez marchar. Una persona no puet no chugar-ie; no cal consentimiento ta chugar-ne y uno mai no puet deixar de chugar-ne.
  2. En pensar en O Chuego, se pierde.
  3. As perdugas han d'estar anunciatas a lo menos a una persona (per eixemplo decindo "he perdito O Chuego" u "plego de perder O Chuego" u per atros medios).

Os reglas chenerals no estableixen un punto en o cual O Chuego remate. Sindembargo, bi ha diferents variants en as que O Chuego remata cuan o primer ministro d'o Reino Uniu anuncie en a televisión que "O Chuego ha rematato" u cuan a reina d'o Reino Uniu te diga que has ganato. En anunciar una perduga, muitas variants deixan un periodo de gracia (d'entre 3 segundos y 30 minutos) ta ixuplidar-se-ne en o cual no se puet perder atra vegada.

Estratechias[editar | modificar o codigo]

Bels chugadors han desenvolupato estratechias ta fer perder a atra chent, per eixemplo amagando as parolas O Chuego en una conversa, asociando-lo a frases u obchectos comuns u escribindo frases como O Chuego u "hez perdiu" en una nota, con graffitti en puestos publicos u en billez.

Psicolochía[editar | modificar o codigo]

O Chuego ye un eixemplo d'o "proceso ironico", en o que os intentos per evitar bels pensamientos fan ixos pensamientos encara mas persistents.

Orichen[editar | modificar o codigo]

Os oríchens d'O Chuego son inciertos. Bi ha una teoría que diz que una vegada dos hombres perdioron o zaguer tren enta o suyo destín y tenioron que fer nueit en l'andador. Intentoron de no pensar en a suya situación y qui d'os dos lo fese primero, perdeba. Bi ha una atra que diz que fue inventato en Londres en 1996 ta fer a tana a la chent. A referencia mas antiga en Internet ye de 2002.

Vinclos externos[editar | modificar o codigo]