No Man's Sky

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

No Man's Sky.

No Man's Sky (en aragonés Ciel de dengún) ye un videochuego d'aventuras, acción y supervivencia que ha estau desembolicau y publicau por o estudio Hello Games pa las plataformas PlayStation 4 y PC Windows. O videochuego salió a o mercau mundialment o mes d'agosto de l'anyo 2016.

O sistema de chuego de No Man's Sky ye basau en cuatro pilars: a supervivencia, o combate, a exploración y o comercio. Os chugadors son libres d'interactuar con un universo chenerau por procedimientos informaticos, que incluye mas de 18 trillons de planetas, beluns d'éls con a suya propia flora y fauna. No Man 's Sky ye un sandbox de mundo ubierto, chugable pa un solament chugador en primera persona y no requiere connectar-se a Internet, encara que tiene cualques funcions online, tals como que compartir información sobre as planetas, a flora, a fauna y os diversos minerals que se pueden trobar en cada planeta, asinas como una base de datos interactiva an se pueden alzar y consultar os datos d'o chuego. L'universo virtual de No Man's Sky ye chenerau por un algorismo matematico y por procedimientos informaticos, manimenos cada planeta tiene as suyas propias caracteristicas, minerals y formas de vida. En o chuego i hai atras naus y civilizacions extraterrestres, con as cuals o chugador puede interactuar. Cada planeta tien a suya propio clima y ecosistema.

O fundador de Hello Games, Sean Murray quereba creyar un videochuego d'exploración y s'inspiró en as novelas de ciencia ficción d'os anyos 1970 y 1980.