Nanterre

	Nanterre
	Comuna de Francia
Estau; • Rechión; • Departam.; • Districto; • Cantón	Francia; Isla de Francia; Altos d'o Sena (prefectura); Nanterre (capital); Capital de 2 cantons:; Nanterre-1 y 2
Superficie	12,19 km²
Población; • Total; • Densidat	; 95 782 hab. (2014); 6914 hab/km²
Altaria; • Meyana; • Maxima; • Minima	; 30 m; 127 m; 22 m
Alcalde	Patrick Jarry
Codigo postal	92000
Codigo INSEE	92050
Coordenadas	48°53’26’’N 2°12’12’’E
	Nanterre Nanterre en Francia

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Nanterre ye una ciudat y comuna situata en l'ueste d'os vicos perifericos de París en Francia. Ye a prefectura (capital) d'o departamento d'os Altos d'o Sena y de l'districto de Nanterre. Localizata en a rechión d'a Isla de Francia a bells 11,1 km d'o kilometro zero de París y a bells 3 km d'a propia ciudat de París. Os habitants de Nanterre son ditos en francés Nanterriennes (femenín) y Nanterriens (masculín).

L'este de Nanterre, chunto con as comunas mugants de Courbevoie y Puteaux, acullen o districto financiero de París dito La Défense ("a esfensa" en aragonés) a on son beluns d'os edificios más grans d'a ciudat y de tota la rechión. A ciudat de Nanterre tamién incluye a Universidat Paris X – Nanterre, una d'as más grans universidatz en a rechión de París.

Santa Chenoveva, patrona de París, yera naxita de Nanterre en l'anyo 419 u 422.^[1]

Toponimia[editar | modificar o codigo]

O nombre de Nanterre tien una historia prou larga que viene de tiempos d'os romanos quan conquistoron a Galia. Os romanos feban servir o nombre de Nemetodorum, formato d'as parabras celticas nemeto que significa "fuesa", "puesto sagrato", y duros (de l'anglés door y l'alemán Tür) que significa "puerta", "fortaleza". O sagrato puesto deberba estar una famosa sepoltura que bi heba en l'antigüidat en o cobalto d'o tozal dito lo Mont-Valérien.