Nacionalismo asturiano

"Asturina". Bandera nacionalista asturiana que emplega a sobén o nacionalismo de cuchas.

O nacionalismo asturiano ye un movimiento politico y social que se da en Asturias dimpués d'o franquismo y que considera Asturias como una nación y reclama os dreitos que tien como tal, como lo dreito d'autodeterminación. O nacionalismo asturiano tradicionalment ye de chuchas. A esfensa d'a cultura asturiana, más que más a luenga, ye un d'os suyos focos. Tien os suyos alazetz en o colectivo Conceyu Bable y o primer partiu politico nacionalista estió lo Conceyu Nacionalista Astur en 1976, en zaguerías d'o franquismo.

En Asturias, anque no ye un fenomeno tan enrradigato como en os casos d'o nacionalismo catalán u o basco, lo nacionalismo tien presencia en a politica d'Asturias, anque más a un ran de movimiento social que d'elemento con una gran representación en as institucions politicas asturianas.

A tamas d'iste menor enrradigamiento d'o nacionalismo, Asturias ha vivito quantas etapas de soberanía política, mientres o Reino d'Asturias entre os anyos 718 y 925, a declaración de soberanía d'a Chunta Cheneral de 1808, y o Consello Soberano d'Asturias y Leyón de 1937.

Partius politicos de cuchas

• Andecha Astur.
• Bloque por Asturies.
• Izquierda Asturiana.

Partius politicos de centro

• Unión Asturianista (coalición formata por o Partíu Asturianista y a Unión Renovadora Asturiana).