Instituto Aragonés d'Arte y Cultura Contemporanios Pablo Serrano

De Biquipedia
(Reendrezau dende Museu Pablo Serrano)
IAACC Pablo Serrano
Museo Pablo Serrano (8148966671).jpg
Situación
Coordenatas {{{Coordenadas}}}
País Flag of Aragon.svg Aragón
Ciudat Zaragoza
Información cheneral
Tipo Arte contemporanio
Director Julio Ramón Sanz
Construcción
Debantadera 27 de mayo de 1994
Superficie
Horario
Vesitants
Adreza Paseyo María Agustín, 20
50004 Zaragoza
Telefono 976 28 06 59
976 28 06 60
Pachina web iaacc.es

L'Instituto Aragonés d'Arte y Cultura Contemporanios Pablo Serrano (en castellán y oficialment: Instituto Aragonés de Arte y Cultura Contemporáneos Pablo Serrano), más conoixiu como Museu Pablo Serrano, ye un centro museistico adedicato a l'arte contemporanio que tién como colección fundacional un amplio fundo d'obras de l'escultor aragonés Pablo Serrano (1908-1985). Amás cuenta con eixemplos d'artistas aragoneses, espanyols y extranchers de tot o sieglo XX, dende Emil Nolde, Pablo Picasso y Calder dica Warhol, Jean Tinguely y Anthony Caro.

Seu[editar | modificar o codigo]

O museo ye situau en os antigos tallers d'oficios de l'espizio provincial, conoixiu como que Fogar Pignatelli, que estioron reabilitaus por l'arquiteuto aragonés José Manuel Pérez Latorre pa adequar-los a la suya nueva función museística.

O centro ubrió as suyas puertas o 27 de mayo de 1994 y tién o suyo orichen en a fundación creyada por Pablo Serrano poco antes d'a suya muerte. En 1995 a fundación estió disuelta y os suyos bienes pasoron a estar propiedat d'o Gubierno d'Aragón, que en pocos meses creyó a institución autual: l'Instituto Aragonés d'Arte y Cultura Contemporanios Pablo Serrano (IAACC).

A necesidat d'enreziar os espacios d'o IAACC Pablo Serrano, pa la conservación d'as suyas coleccions y a organización d'exposicions y atras actividatz empentó l'ampliación de l'edificio en 2005. O prochecto arquitectonico estió redautau por José Manuel Pérez Latorre y en 2007 estioron adchudicaus os treballos de construcción a Obrascón Huarte Laín. L'ampliación triplicó o espacio util, que pasó de 2500 m² a os mas de 7000 m² autuals, d'os quals 3000 m² son destinaus a espacios expositivos. O 23 de marzo de 2011 se fa a devantadera d'o nuevo museu convertiu en l'Instituto Aragonés de Arte Contemporanio.

Coleccions[editar | modificar o codigo]

En o suyo interior, se exhibe a o publico un amplio muestrario d'a obra de Pablo Serrano. En a exposición permanent d'a suya obra destacan as esculturas informalistas d'os anyos 50. O museu conta amás con un conchunto important d'obras d'a esposa de Pablo Serrano, Juana Francés, asinas como una colección d'arte grafico contemporanio y una selección de pintura de Santiago Lagunas recientment incorporada.

En 2013, a institución dio un vulco a o suyo repertorio d'obras, en sumar a colección privada Circa XX, encetada por Pilar Citoler en 1969 y enriquida a lo largo de quatro decenios. Os artistas representaus cubren quasi tot l'arco artistico internacional entre l'expresionismo alemán (Emil Nolde) dica l'art brut (Jean Dubuffet); entre ells se contan Pablo Picasso, Joan Miró, Fernand Léger, Alexander Calder, Le Corbusier, Henry Moore, Francis Bacon, Andy Warhol, Roy Lichtenstein, Enzo Cucchi... a os quals cal sumar un cheneroso muestrario espanyol d'os zaguers decenios: Tàpies, Miquel Barceló, Antonio Saura, Rafael Canogar, Gerardo Rueda, José Manuel Broto, Guillermo Pérez Villalta, Cristina Iglesias... Iste conchunto, formau por unas 1.200 piezas, s'obtenió por meyo d'una formula combinada de donación y venda, si bien a zifra de diners pagada suposa tasament o 15% d'a valor d'a colección, a quala fuo tasada en uns diez millons d'euros[1].

O centro auespa tamién exposicions temporals de pintura y escultura contemporania. Cuenta tamién con una biblioteca y una zona dedicada a la realización de tallers.

Referencias[editar | modificar o codigo]

Veyer tamién[editar | modificar o codigo]

Vinclos externos[editar | modificar o codigo]