Movimiento Nacionalista Aragonés

De Biquipedia
Ir a la navegación Ir a la búsqueda

Movimiento Nacionalista Aragonés (MNA) estió un partito politico nacionalista aragonés, que s'establió a fins de l'anyo 1978 por antigos miembros d'o Partito Socialista d'Aragón (PSA) que no aceptaron integrar-se en o PSOE y por miembros d'o Rolde d'Estudios Nazionalista Aragonés. Se definiva como socialista, autochestionario y asambleyario.

A mayor parti d'os suyos melitants yeran d'as ciudatz de Zaragoza y Uesca, y entre os melitants más destacatos se podeban trobar os historiadors Bizén Pinilla y Antonio Peiró. Encara que participó mui activament en o proceso preautonomico, en l'anyo 1981 heba perdito fuerza, protagonismo, y en l'anyo 1983 ya heba desapareixito como partito organizato. A mayor parti d'os suyos miembros remataron integrando-sen en Chunta Aragonesista.