Morrera

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Una morrera.

A morrera u pansa ye una infección virica producida en os labios u muit amán d'a boca a causa d'o virus d'o herpes simple (HSV-1). Ye provocada por os niérvols que plegan a la cara, y concretament en a zona an amaneixen as vesiculas. No tiene cura y ye d'asperar que a malotía siga o suyo proceso normal.

A infección cheneralment se transmite entre personas por contacto directo no sexual. Os ataques pueden estar provocaus por a luz solar, calentura, estrés psicolochico u un periodo menstrual. O diagnostico cheneralment se basa en os sintomas, pero se puede confirmar con prebas especificas.

A prevención incluye privar besar u usar os articlos personals d'una persona infeutada. Una crema de robín de zinc, anestesico u antiviral pareixe disminuir a duración d'os sintomas en una chicota cantidat. As medecinas antivirals tamién pueden disminuir a frecuencia de los brotes.

Aproximadament 2,5 de cada 1000 personas se veyen afectadas por brotes en un anyo determinau. Dimpués d'un episodio, aproximadament o 33% d'as personas desembolican episodios posteriors. L'inicio ocurre a ormino en menors de 20 anyos y o 80% desembolica anticuerpos contra o virus a ista edat. En aquels con brotes recurrents, istos gosan ocurrir menos de tres vegadas a l'anyo. A frecuencia d'os brotes cheneralment disminuye con o tiempo.

Vinclos externos

• Se veigan as imáchens de Commons sobre a morrera.

• Datos: Q2364836
• Multimedia: Herpes labialis / Q2364836