Mont Chulia
| Mont Chulia Monte Julia | |
| Lugar d'Aragón | |
| Entidat • País • Provincia • Comarca • Municipio |
Lugar Aragón.svg){kind=small} UescaCinca Baixa Belver de Cinca |
| Partiu chudicial | Fraga |
| Población • Total |
14 hab. (2018) |
| Codigo postal | 22536 |
| Parroquial • Diocesi • Arcipestrau |
Balbastro-Monzón Cinca Baixa |
| Coordenadas | |
Mont Chulia (en castellano Monte Julia) ye un lugar d'a provincia de Uesca situau en a comarca de Cinca Baixa, en o municipio de Belver de Cinca.
Cheografía
[editar | modificar o codigo]Se troba situau en o termin municipal de Belver de Cinca entre os lugars d'Albalat de Cinca y Esplús, chunto a la carretera A-1239. Chunto a l'aldeya se troba o vértiz cheodesico de Sant Salvador
Historia
[editar | modificar o codigo]L'orichen de Mont Chulia, d'antis mas dito tamién Mont Serafina[1], se troba en a cesión cinco fincas en l'anyo 1140 por parti de Remón Berenguer IV a os Hespitalers en pagas por o no cumplimiento d'o testamento d'Alifonso I.[2] Dimpués d'a desamortización de Mendizábal en 1835 fuoron crompadas por o Marqués de la Cerrajería de Madrit por 16 onzas.
A finca de Mont Chulia fue expropiada en prencipiar a Guerra Civil Espanyola[3] y tenió dimpués bella relevancia historica por haber estau breument seu de cinco d'os ueito departamentos d'o gubierno d'o Consello Rechional de Defensa d'Aragón[4] y residencia d'o president Joaquín Ascaso. O 19 de noviembre de 1936 apareixe en o numero 8 d'o buletín oficial de dita institución a orden de treslau d'a presidencia d'o Consello d'Aragón dende Fraga dica Mont Chulia por motivos de seguridat.[5] En aviento de 1936 i habió por error un bombardeyo de l'aviación republicana.[4]
Dende os anyos 1950 a finca de 2.100 hectarias de superficie ha estau propiedat d'a familia Godia, estando destinada a cautivos tanto intensivos como extensivos, incluyindo a plantación de fruiters, almendreras, cerials y alfalces y ufriendo tamién atros servicios agricolas como a selección de simients y l'almagacenache de cerial.[2]
Economía
[editar | modificar o codigo]As Bodegas Monte Julia, fundadas en 1953, producen vins perteneixients a la Indicación Cheografica Protechida Vin d'a Tierra Valle d'a Cinca.[6]
Referencias
[editar | modificar o codigo]- ↑ (es) Belver de Cinca. Núcleos Rurales.
- ↑ 2,0 2,1 (ca) Monte Julia. Pobles Abandonats.
- ↑ (es) ¿Economía de Guerra o Revolución Social¿ Las Colectividades Agrarias Libertarias Durante La Guerra Civil en Aragón, 1936-1938. David Vela Sevilla. Universidat de Zaragoza.
- ↑ 4,0 4,1 (es) El fenómeno colectivista en la zona de La Litera-Comarcal de Monzón. Assumpta Castillo Cañiz.
- ↑ (es) [1]
- ↑ (es) Bodegas Monte Julia
Vinclos externos
[editar | modificar o codigo]- (es) Web oficial de Belver de Cinca
- (es) Monte Julia. Revista Vida Rural, ISSN 1133-8938.
| Lugars d'o municipio de Belver de Cinca | |
|---|---|
| Belver de Cinca | Mont Chulia | Sant Miguel | Valonga |
| Control d'autoridaz |
|
|---|
Datos: Q62090529