Modesto Lobón Sobrino
| Modesto Lobón Sobrino | |
|---|---|
| |
| 3 de chinero de 2012 – 6 de chulio de 2015 | |
| President | Luisa Fernanda Rudi |
| Gubierno | Gubierno Rudi |
| Precediu por | Federico García López |
| Succediu por | Joaquín Olona Blasco (Desarrollo Rural y Sostenibilidat) |
| 16 de chulio de 2011 – 3 de chinero de 2012 | |
| President | Luisa Fernanda Rudi |
| Gubierno | Gubierno Rudi |
| Precediu por | Javier Velasco Rodríguez (Ciencia, Tecnolochía y Universidat) |
| Succediu por | Arturo Aliaga López (Industria y Innovación) |
| 21 de chunio de 2011 – 19 de chunio de 2019 | |
| 1983 – 1991 | |
| 1995 – 1999 | |
| 2003 – 2011 | |
| Naiximiento | 5 de febrero de 1948 Zaragoza (Aragón)
|
| Partiu | Partido Demócrata Popular Partido Aragonés Partido Popular de Aragón |
| Profesión | Politico, incheniero y escritor |
Modesto Lobón Sobrino (Zaragoza, 5 de febrero de 1948) ye un incheniero, escritor y politico aragonés. Estió un d'os artífex d'o pacto de gubernabilidat d'Aragón PP – PAR de 2011,[1][2], consellero d'Innovación y Nuevas Tecnolochías d'o Gubierno d'Aragón dende 2011 dica 2012 y Consellero d'Agricultura, Ganadería y Medio Ambient dica 2015.[3]
Biografía
[editar | modificar o codigo]Naixiu de Zaragoza, ye incheniero industrial por a Escuela Tecnica Superior d'Incheniers Industrials de Barcelona, y titulau en Dirección Cheneral d'Interpresas por l'Instituto de Estudios Superiores de la Empresa (IESE) d'a Universidat de Navarra. Ye casau y tien dos fillas.
Trachectoria politica
[editar | modificar o codigo]En l'anyo 1977 estió fundador d'o partiu Democracia Cristiana Aragonesa y estió miembro d'o Comité Executivo Provincial de Zaragoza d'UCD entre os anyos 1978 y 1982. Mientres a tercera lechislatura (segunda d'a democracia) d'Adolfo Suárez y o posterior gubierno de Calvo Sotelo estió Chefe d'o Consello Superior de Protección de Menors d'o Ministerio de Chusticia,[4] amás de Vicepresident primero d'o Patronato de Protección a la Muller.[5] Estió tamién Director Cheneral de Servicios de l'ente preautonomico aragonés previo a la formación d'a Deputación Cheneral d'Aragón.
Estió un d'os miembros fundadors d'o Partido Demócrata Popular en Zaragoza en l'anyo 1982. Posteriorment dentró a fer parti d'as filas d'o PAR entre os anyos 1987 y 1999, partiu en o que tenió os cargos de President Local y Secretario Cheneral Adchunto.
Dende 1999 ye miembro d'o PP, a on ha teniu o cargo de vicesecretario cheneral de Política Sectorial,[6] y tamién ha exerciu como vocal d'o Comité de Dirección Rechional.
Eslechiu como deputau en as Corz d'Aragón en as eleccions autonomicas d'o 22 de mayo de 2011 pa la VIII Lechislatura, fue nombrau o 15 de chulio de 2011 Consellero d'Innovación y Nuevas Tecnolochías d'o Gubierno d'Aragón.[7][8]
En o Concello de Zaragoza, estió concellero mientres as corporacions segunda, tercera, cinquena, setena y ueitena, exercendo como portavoz d'o PDP mientres a segunda, como delegau de Promoción Empresarial y Turismo en a cinquena corporación, y portavoz d'a Comisión de Servicios Publicos mientres a setena. Mientres a seisena corporación, estió coordinador d'Alcaldía y Chefe de Relacions Externas d'o concello. En a ueitena corporación ocupó o cargo de concellero-president d'a Chunta Municipal de Casablanca.[9][10]
Escritor
[editar | modificar o codigo]En a suya faceta d'escritor, Modesto Lobón ye autor de tres libros, Amor y poder,[11] Cita en la cumbre y El retorno del gigante,[12] títols que se pueden leyer en formato electronico.
Referencias
[editar | modificar o codigo]- ↑ (es) El acuerdo PP-PAR para la gobernabilidad de Aragón estará finalizado antes del debate de investidura. Aragón Televisión, 30 de chunio de 2011
- ↑ (es) El acuerdo PP-PAR para la gobernabilidad de Aragón estará finalizado antes del debate de investidura. Poblacionpress, 30 de chunio de 2011
- ↑ (es) El Gobierno de Aragón completa su primera remodelación, con la entrada del PAR. Periodista Digital, 3 de chinero de 2012
- ↑ (es) Nombramiento de Modesto Lobón como Jefe del Consejo Superior de Protección de Menores. Boletin Oficial del Estado. 27 de setiembre de 1980
- ↑ (es) Nombramiento de Modesto Lobón como Vicepresidente primero del Patronato de Protección a la Mujer. Boletin Oficial del Estado. 30 d'octubre de 1980
- ↑ (es) Organigrama del PP de Aragón en 2011. Partido Popular de Aragón
- ↑ (es) Nombramiento como Consejero. Boletín Oficial de Aragón. 16 de chulio de 2011
- ↑ (es) Ficha en a pachina d'as Corz d'Aragón.
- ↑ (es) Barrio de Casablanca: Modesto Lobón reclama que los terrenos de la calle Embarcadero pasen a equipamientos. Aragón Liberal, 17 de setiembre de 2009
- ↑ (es) Lobón remite a Belloch las 40 propuestas aprobadas en el debate sobre el estado de Casablanca. 20 Minutos, 21 d'aviento de 2010
- ↑ (es) Lobón Sobrino, Modesto (2008), Amor y Poder, 209, Mira Editores S.A.. ISBN 84-8465-290-4.
- ↑ (es) Lobón Sobrino, Modesto (2000), El retorno del gigante, 345, Nihil Obstat Ediciones S.L.. ISBN 84-9561-200-3.
| Predecesor: Federico García López |
Consellero d'Agricultura, Ganadería y Medio Ambient d'o Gubierno d'Aragón 3 de chinero de 2012 - 6 de chulio de 2015 |
Succesor: Joaquín Olona Blasco (Desarrollo Rural y Sostenibilidat) |
| Predecesor: Javier Velasco Rodríguez (Ciencia, Tecnolochía y Universidat) |
Consellero d'Innovación y Nuevas Tecnolochías d'o Gubierno d'Aragón 16 de chulio de 2011 - 3 de chinero de 2012 |
Succesor: Arturo Aliaga López (Industria y Innovación) |
Datos: Q5404275
- Naixius de Zaragoza
- Concellers d'o Concello de Zaragoza
- Consellers d'Agricultura d'a Deputación Cheneral d'Aragón
- Consellers de Medio Ambient d'a Deputación Cheneral d'Aragón
- Consellers de Ciencia d'a Deputación Cheneral d'Aragón
- Deputaus en as Corz d'Aragón por a circumscripción electoral de Zaragoza
- Deputaus d'a VIII Lechislatura d'as Corz d'Aragón
- Deputaus d'a IX Lechislatura d'as Corz d'Aragón
- Escritors d'Aragón
- Gubierno Rudi
- Incheniers d'Aragón
- Politicos d'Aragón
- Politicos d'o Partido Aragonés
- Politicos d'o Partido Popular de Aragón
- 1948 (naixencias)