Miraglo de Calanda

O miraglo de Calanda cuenta la historia de Miguel Pellicer u como iste recuperó a garra dreita dimpués de que la perdió quan treballaba en o campo.

Leyenda

Orichen de Miguel

Miguel Juan Pellicer naixió en marzo de 1617. Miguel estió una presona més d'a epoca en Calanda. Segundo de ueito chirmans no sapeba escribir ni tampoco no leyer, sólo estió educau quan iba a la catequesis d'a parroquia.

Amputazión d'a garra

Quan Miguel teneba 19 anyadas albandona la casa d'os suyos pais ta ir con su tío, Jaime Blasco, ta Castellón ta treballar en o campo.

Un diya quan yera en un carro cargau de trigo, Miguel s'estuzurró y a rueda d'o carro le esclafó la garra dreita partindo-la-ne. Ascape le levoron ta Valencia, d'o ye ingresau en l'Hospital Reyal. Astí permaneixió cinco diyas, ya que deciba que trobaba en falta las suyas tierras aragonesas.

Dos meses dimpués fue tresladau enta Zaragoza y lo primero que fació, estió visitar a Basilica d'o Pilar.

Dimpués Miguel estió ingresau en o Hespital Cheneral d'a Nuestra Sinyora de Gracia, ye aquí do Miguel pierde la garra, que le ye tallada quatro didos baixo lo chenullo

O miraglo

En 1638 Miguel sale d'o hespital, y como no puede treballar tiene que petuliar, do més petuliaba yera en a puerta d'a Basilica.

En marzo de 1640 torna ta Calanda con os suyos pais, pero como ye incapaz de fer fainas, decidió viachar por tot o Baixo Aragón ta replegar lo que la chen le dase y poder levar-lo a la suya casa.

O 29 de marzo de 1640 dimpués d'haber treballau tot o diya marchó a dormir, y sobre las 22 u 23, a suya mai s'espolió con una lampa fue a veyer a lo suyo fillo, con a luz d'a lampa veyió un bulligón en as garras de Miguel, y quan le devanto lo linzuelo veyió que teneba as dos garras enteras.

O notario de Mazalión devantó l'acta notarial describindo lo suceso.