Mingrelians
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Mingrelians მარგალი | |
|---|---|
.jpg) | |
|
| |
 Cheorchia | |
| Mingrelián y cheorchiano | |
| Pueblos caucasicos | |
Os mingrelians (en mingrelián: მარგალი, margali; en cheorchiano მეგრელები: megrelebi) son un pueblo que charra una luenga caucasica meridional y son de relichión cristiana. Habitan a part occidental de Cheorchia. Seguntes bellas versions fan part d'o pueblo cheorchiano y seguntes atras son un pueblo diferent.
Luenga[editar | modificar o codigo]
Os mingrelians tienen como luenga literaria a lo cheorchiano. A fins d'os sieglo XIX bi habió prebatinas por part d'o gubierno ruso de creyar un alfabeto pa o mingrelián basato en o cirilico, amés d'una liturchia en mingrelián y bi habió una fuerte oposición. Cuan en a decada de 1920 bi habió propuestas d'escribir o mingrelián en base a caracters cheorchianos tamién i habió protestas cheorchianas, (y tamién por part de bels mingrelians). Un periodico en mingrelián funcionaba en a capital Zugdidi en os anyos 30. En o periodo sovietico manimenos a educación yera en cheorchiano.
Historia[editar | modificar o codigo]
A dicotomía mingrelians-cheorchianos ye un herencio d'a dicotomía antiga entre as rechions que os griegos diciban Colquide y Iberia en a Edat antiga. Os mingrelians continan a os antigos pobladors de Colquide, y arredol de l'anyo 330 beluns d'ellos ya s'heban cristianizato por as predicacions de Sant Nino.
Dende 1510 os principatos mingrelians y beluns d'os principatos cheorchianos fuoron ocupatos por l'Imperio Otomán. O tractau de Giorgievsk de 1783 entre l'Imperio Otomán y l'Imperio Ruso significó que este zaguero s'anexionase Cheorchia oriental en 1801 y dimpués en 1803 Mingrelia y en 1804 o reino occidental d'Imereti.
Bibliografía[editar | modificar o codigo]
- Felipe Fernández-Armesto: Los hijos de Zeus. Pueblos, etnias y culturas de Europa. 1996 Grijalbo.
Vinclos externos[editar | modificar o codigo]
Se veigan as imáchens de Commons sobre os mingrelians.
