Miki Nadal

De Biquipedia
Ir a la navegación Ir a la búsqueda
Miki Nadal
Miki Nadal
Miki Nadal
Información personal
Calendata de naixencia 29 de setiembre de 1967
Puesto de naixencia Bandera de Zaragoza.svg Zaragoza, Flag of Aragon.svg Aragón
Ocupación Actor y presentador de televisión

Miguel Nadal Furriel (Zaragoza, 29 de setiembre de 1967) u más a sobén dito Miki Nadal, ye un actor aragonés conoixito por colaborar en muitos programas de televisión y de radio.

Biografía[editar | editar código]

Estudió a carrera de Dreito encara que la dixó a metat ta fer o servicio melitar, primero en Ferrol y dimpués en Madrit, a on se quedó ta ser actor. Prencipió en o programa de Pepe Navarro, La sonrisa del pelícano en 1997. Astí conoixió a Florentino Fernández de qui se fació un gran amigo y con qui gosó compartir piso un tiempo.

Dentró a fer parti d'o equipe d'El Informal en l'anyo 1999, en a segunda temporada d'o programa. A lo prencipio feba la faina de doblache de seqüencias chunto a Florentino Fernández, pero amoniquet fue ganando protagonismo dica convertir-se en una persona más d'o programa, que duró dica abril de 2002. Mesmament en El Informal conoixió a la suya companyera de treballo, Patricia Conde, con qui treballó en o programa de Sé lo que hicisteis....

Ha treballato en El Informal, La corriente alterna, El show de Flo, UHF, Splunge, Mis adorables vecinos, El club de la comedia, Zulú Bingo, Los Irrepetibles de Amstel, Cafetería Manhattan, Sé lo que hicisteis... y tenió un programa de concurso dito No sabe, no contesta en La Sexta. Actualment y dende o 2013 colabora en o programa Zapeando, d'a mesma cadena. Ha aparexito como convidato en series como Casi Perfectos chunto con Emilio Aragón y 7 vidas, con Florentino Fernández.

Vinclos externos[editar | editar código]