Messerschmitt Me 163

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Messerschmitt Me 163
Messerschmitt Me 163
Datos chenerals
Tipo	avión de caza
Fabricant	Messerschmitt
Disenyador	Alexander Lippisch
Primer vuelo	1941
Grandaria
Largaria	5.7 m
Envergadura	9.3 m
Superficie alas	19.6 m²
Peso	4,3 t
Especificacions
Motor	1x motor-codete Hellmuth Walter Kommanditgesellschaft HWK 109-509A-2
Velocidat maxima	900  km/h
Uso
Estato	Retirau
Operador	Luftwaffe
Producción
Unidaz construyitas	370
Esquema

Messerschmitt Me 163 Komet yera un avión de caza desembolicau por Messerschmitt. O suyo primer vuelo estió en 1941. Teneba un motor codete Hellmuth Walter Kommanditgesellschaft HWK 109-509A-2 y una velocidat maxima de 900 km/h. Se'n han construyiu 370 unidaz.

O Messerschmitt Me 163 Komet ye o solenco avión de combate propulsau por codetes que ha estau en funcionamiento y o primer avión pilotau de cualsiquier tipo en superar os 1000 km/h en vuelo alibelau. Disenyau por Alexander Lippisch, o suyo rendimiento y aspectos d'o suyo disenyo no teneban precedents. O piloto de prebas alemán Heini Dittmar a primers de chulio de 1944 aconsiguió os 1.130 km/h, un récord de velocidat aeria de vuelo no oficial incomparable con avions propulsaus ​​por turborreactors entre cuasi un decenio. Se construyoron mas de 300 Komets, pero l'avión contrimostró estar mediocre en o suyo paper dedicau como que interceptor y destruyó nomás que entre 9 y 18 avions aliaus contra 10 perdas. Antiparte d'as perdas en combate, muitos pilotos murioron entre as prebas y l'entrenamiento, a lo menos en parti a causa d'a naturaleza altament volatil y corrosiva d'o propulsor de codetes utilizau en modelos posteriors de l'aeronau. Isto incluye a un piloto clamau Josef Pohs, que estió disuelto por o combustible d'o codete dimpués d'un incident que resultó en una linia de combustible rota.