Mesquita de Tortoles
| Mesquita de Tortoles | |
|---|---|
 Mesquita de Tortoles | |
| Situación cheografica | |
| Estau | |
| País | |
| ' | |
| Situación |  Tortoles, Tarazona y Moncayo, Aragón
|
| Adreza | |
| Coordenatas | |
| Archidiocesi | |
| Diocesi | |
| Arcipestrau | |
| Advocación | |
| Culto | |
| Orden | |
| Rector | |
| Vicario parroquial | |
| 2.º Vicario parroquial | |
| Mosen | |
| Propietario | |
| Administrador | |
| Director | |
| Coste | {{{coste}}} |
| Visitable | |
| Altaria | |
| Pisos | |
| Amplaria | |
| Largaria | |
| Superficie | |
| Diametro | |
| Aforo | |
| Altaria s.l.m. | |
| Atras | |
| Alcance | |
| Iluminación | |
| Potencia | |
| Arquitectura | |
| Tipo | Mesquita |
| Estilo | |
| Función | |
| Catalogación | |
| Materials | |
| Construcción | |
| Construcción | Sieglo XV |
| Fundador | |
| Inicio | |
| Fin | |
| Inauguración | |
| Destrucción | |
| Arquitecto | |
| Incheniero estructural | |
| Incheniero de servicios | |
| Incheniero civil | |
| Atros | |
| Premios | |
| Pachina web | |
| Localización | |
A mesquita de Tortoles ye una antiga mesquita situada en o barrio de Tortoles d'o municipio zaragozano de Tarazona, en a comarca de Tarazona y Moncayo, Aragón.
Descripción
[editar | modificar o codigo]Localizada en o barrio rural de Tortoles, en o prencipio d'o conoixiu como camino de la Dehesa, adosada a las restas de l'antigo torretón fortificau que feba parti d'o castiello d'a localidat. Datada en o sieglo XV, ye un edificio d'especial significación historica por constituyir una d'as obras mas tardanas d'a cultura musulmana en a Peninsula. Tortoles albergó en ixa epoca una comunidat estimada de 2.000 musulmans, lo que explica a existencia d'una mesquita, construyida en primerías d'ixe sieglo.
Presenta dos etapas constructivas determinadas por a construcción en primerías de sieglo d'a nau orichinal de dos trampos zarrada con armadura de fusta, asinas como a suya posterior ampliación a meyaus de sieglo en a que s'adhibioron un trampo a la nau y se substituyó a vuelta por una nueva armadura, actualment desmontada, d'importancia tanto documental como artistica.
En 1526 a suya consagración como ilesia determinará a construcción de l'altar mayor asinas como a execución d'a decoración pictorica d'a cabecera; relegada a un papel segundario como puesto de culto dimpués d'a construcción d'o nuevo templo plegará a destinar-se a usos agricolas, dica estar redescubierta en a decada de 1980 por o Centro d'Estudios Turiasonenses.
Actualment se tracta d'un espacio d'una sola nau de tres trampos cubierta por teito a dos auguas que apea en dos arcos diafragma apuntaus; en o muro oriental se conserva o mihrab d'a mesquita en arco de ferradura. En l'exterior a construcción s'amuestra como un volumen compacto de ladriello, mampostería y aglomerau, s'ha visto substancialment transformada, mas que mas en os costaus norte y sud. En o muro norte se localiza l'acceso actual, mientres en o muro sud s'han ubierto cuantas finestras. A portalada primitiva, localizada en o muro ueste a l'altaria d'o segundo trampo d'a nau, configura un arco de meyo punto sencillo actualment cegau.
En o suyo interior, restaurau en 2015, se puet veyer o mihrab musulmán, una florida cubierta mudéchar con inscripcions arabes y pinturas murals correspondients a la reconversión en ilesia cristiana.[1] Ista restauración recibió l'accesit a Restauración, Rehabilitación y Intervención en o Patrimonio Historico d'o Premio García Mercadal 2016.[2]
Inscripciones en árabe
[editar | modificar o codigo]
En 2020, dimpués d'una restauración feita por a Universidat de Valencia, se descubrioron inscripcions redactadas en arabe andalusí en l'artesonau d'o teito, que sobrevivioron a un incendio de calendata indeterminada. Entre ellas se troban versiclos de l'Alcorán, información sobre os constructors de l'edificio y, sosprendentment, un poema profano:
Son enruenas a mia nueit y a mia felicidat chunto a os companyers, cuan tos escanciaban as mans d'as pluyas, en vela.
Moradas que yo aimaba y frecuentaba cuan yera vencedor sobre os días. Qué buena una epoca que pasó!
Cuan a nueit yera serena, l'aimor puro pa yo y o corazón feliz...»
Referencias
[editar | modificar o codigo]Vinclos externos
[editar | modificar o codigo]- (es) Mesquita de Tórtoles. Patrimonio cultural d'Aragón.
- (es) Mesquita de Tortoles. Fundación Tarazona Monumental.
| Control d'autoridaz |
|
|---|
Datos: Q39596411